மு.க. ஸ்டாலினுக்கு பூங்கொத்து கொடுத்த ஓ.பன்னீர் செல்வம்.. தேர்தல் கூட்டணி ரெடி?

O. Panneerselvam meets stalin: தி.மு.க. கூட்டணியில் ஓ.பன்னீர் செல்வம் இணையலாம் என்ற பேச்சுகள் மீண்டும் வெளியாக தொடங்கியுள்ளன.

மு.க. ஸ்டாலினுக்கு பூங்கொத்து அளித்த ஓ.பி.எஸ்

BySaranya JK

Published on: February 20, 2026 at 3:44 pm

சென்னை, பிப்.20, 2026: 2026 சட்டமன்ற தேர்தலில் அ.தி.மு.க. கூட்டணியில் பா.ஜ.க. உள்ளிட்ட பல்வேறு கட்சிகள் உள்ளன. இந்த நிலையில், எடப்பாடி பழனிசாமியை எதிர்கொள்ளும் பொருட்டு மு.க. ஸ்டாலின் கூட்டணியை விரிவுப்படுத்தி வருகிறார். தி.மு.க. கூட்டணியில் உள்ள காங்கிரஸ் ஆட்சியில் பங்கு கேட்கும் நிலையில், அக்கட்சி வெளியேறினால் தி.மு.க. கூட்டணியில் புதிய கட்சிகள் இணையலாம் என எதிர்பார்க்கப்படுகிறது. இந்த எதிர்ப்பார்ப்பை பூர்த்தி செய்யும் வகையில், வியாழக்கிழமை (பிப்.19, 2026) யாரும் எதிர்பாராத வகையில் தி.மு.க கூட்டணியில் தே.மு.தி.க இணைந்தது.

இது தமிழக அரசியல் வட்டாரத்தில் பெரும் பரபரப்பை ஏற்படுத்தி இருந்தது. இந்த நிலையில், தி.மு.க. கூட்டணியில் ஓ. பன்னீர் செல்வமும் இணையலாம் என கடந்த சில மாதங்களாகவே தகவல்கள் வெளியான வண்ணம் உள்ளன.
இதற்கிடையில், தமிழக சட்டமன்ற வளாகத்தில் முதலமைச்சர் மு.க.ஸ்டாலினுடன் முன்னாள் முதலமைச்சர் ஓ.பன்னீர்செல்வம் சந்தித்துப் பேசினார். அப்போது அவருடன் ஓ.பன்னீர் செல்வம் மகன் ரவீந்திரநாத் தாகூரும் உடனிருந்தார்.

இந்த நிலையில், முதலமைச்சர் மு.க. ஸ்டாலினுக்கு பூங்கொத்து கொடுத்து ஓ.பன்னீர்செல்வம் வாழ்த்து தெரிவித்தார். இதனால் தி.மு.க. கூட்டணியில் ஓ. பன்னீர் செல்வம் இணையக் கூடும் என்ற யூகங்கள் மீண்டும் ஏற்பட்டுள்ளன.

இதையும் படிங்க: தி.மு.க கூட்டணியில் தே.மு.தி.க, மு.க ஸ்டாலின் ராஜ தந்திரம்.. தொல். திருமாவளவன் புகழாரம்!