100 Days employment Scheme: 100 நாள் வேலை வாய்ப்பு திட்டத்திற்கு பாஜக மூடு விழா நடத்தி உள்ளது என பரபரப்பு குற்றச்சாட்டை முன் வைத்துள்ளார் தமிழக முதலமைச்சர் மு க ஸ்டாலின்.
100 Days employment Scheme: 100 நாள் வேலை வாய்ப்பு திட்டத்திற்கு பாஜக மூடு விழா நடத்தி உள்ளது என பரபரப்பு குற்றச்சாட்டை முன் வைத்துள்ளார் தமிழக முதலமைச்சர் மு க ஸ்டாலின்.
Published on: December 27, 2025 at 6:35 pm
திருவண்ணாமலை, டிச. 27, 2025: தமிழக முதலமைச்சர் மு க ஸ்டாலின் திருவண்ணாமலையில் இன்று வேளாண் கண்காட்சியை தொடங்கி வைத்தார். அப்போது திமுக ஆட்சியில் வேளாண் துறைக்கு கூடுதலாக நிதி ஒதுக்கிடப்பட்டுள்ளது என தெரிவித்தார். மேலும் திமுக ஆட்சிக்கு வந்ததிலிருந்து வேளாண்மை திட்டங்களுக்கு முன்னுரிமை அளிக்கப்பட்டு வருகிறது என்றும் அவர் கூறினார்.
தொடர்ந்து சிலர் விவசாயிகள் போல் வேடமிடுகின்றனர் என எதிர் கட்சித் தலைவர் எடப்பாடி பழனிச்சாமியை மறைமுகமாக விமர்சித்த மு க ஸ்டாலின், 100 நாள் வேலை வாய்ப்பு திட்டத்திற்கு மத்திய அரசு மூடு விழா நடத்துகிறது எனவும் விமர்சித்தார்.
இது தொடர்பாக பேசிய தமிழக முதலமைச்சர் மு க ஸ்டாலின், ” ஒன்றிய அரசு 100 நாள் வேலைவாய்ப்பு திட்டத்திற்கு மூன்று விழா நடத்தி வருகிறது. பாரதிய ஜனதா கட்சியின் ஆதரவாளர்கள் கூட தற்போது ஒன்றிய அரசை எதிர்த்து புலம்பி வருகின்றனர். கடந்த ஆண்டுகளில் நாம் வைத்த எந்த கோரிக்கைகளையும் ஒன்றிய அரசு நிறைவேற்ற வில்லை.
கடந்த பத்து ஆண்டுகளாக 100 நாள் வேலைவாய்ப்பு திட்டத்தை சிதைத்து வந்தார்கள். தற்போது மூடு விழா நடத்துகிறார்கள். விவசாய குடும்பத்தைச் சேர்ந்தவர் எனக் கூறிக் கொள்ளும் எடப்பாடி பழனிச்சாமி விவசாயிகளுக்காக குரல் கொடுக்க அவருக்கு துணிவில்லை; அதிமுக மற்றும் பாஜகவினர் திமுகவின் சாதனைகளை மறுக்க முடியாமல் திண்டாடுகின்றனர்” என்றார்.
இதையும் படிங்க; நேருக்கு நேர் மேடை ஏற தயாரா? மு.க ஸ்டாலினுக்கு எடப்பாடி பழனிச்சாமி சவால்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
