கிருஷ்ணகிரி; நடந்து சென்ற பெண்ணிடம் பட்டப் பகலில் செயின் பறிப்பு!

Krishnagiri Chain snatch : கிருஷ்ணகிரியில் நடந்து சென்ற பெண்ணிடம் பட்டப் பகலில் செயின் பறிக்கப்பட்ட சம்பவம் பெரும் பரபரப்பை ஏற்படுத்தியுள்ளது.

கைது செய்யப்பட்ட ஜெகதீஸ்வர சுதர்சன குமார்

BySaranya JK

Published on: September 23, 2025 at 6:34 pm

கிருஷ்ணகிரி, செப்.23, 2025: கிருஷ்ணகிரி மாவட்டம் ஜக்கப்பன் நகரில், பள்ளிக்குச் சென்ற பேரக்குழந்தைகளை வழியனுப்பிவிட்டுத் திரும்பிய கலைச்செல்வி (48) என்ற பெண்ணிடம் இருசக்கர வாகனத்தில் வந்த அடையாளம் தெரியாத நபர் செயில் பறிப்பில் ஈடுபட்டார்.

இவரை சில மணி நேரத்தில் போலீசார் கைது செய்தனர். சிசிடிவி காட்சிகளின் அடிப்படையில் போலீசார் நடவடிக்கை எடுத்துள்ளனர். இந்தச் செயின் பறிப்பில் ஈடுபட்டவர் ஆந்திர மாநிலத்தைச் சேர்ந்த ஜெகதீஸ்வர சுதர்சன குமார் என்பது தெரியவந்தது.
இவரிடம் போலீசார் தீவிர விசாரணை மேற்கொண்டு வருகின்றனர். இந்தச் செயின் பறிப்பில் 1.5 பவுன் தங்க நகைகள் கொள்ளையடிக்கப்பட்டுள்ளன. 1 பவுன் தங்க நகை சம்பவ இடத்தின் அருகிலேயே கீழே விழுந்துள்ளது.

கிருஷ்ணகிரி மாவட்டத்தில் நடந்து சென்ற பெண்ணிடம் பட்டப் பகலில் செயின் பறிக்கப்பட்ட சம்பவம் பெரும் பரபரப்பை ஏற்படுத்தி இருந்தது.
இந்த விவகாரத்தில் துரிதமாக செயல்பட்டு குற்றவாளியை பிடித்த போலீசாருக்கு மக்கள் பாராட்டு தெரிவித்துள்ளனர்.

இதையும் படிங்க : திருமண இணையத்தில் பழகி பெண்ணிடம் 5 பவுன் சங்கிலி பறிப்பு.. இளைஞர் கைது!