ஆளுநர் மாளிகையில் நவராத்திரி கொலு; பொதுமக்கள் பங்கேற்க அழைப்பு: விண்ணப்பிப்பது எப்படி?

Governors House Navratri celebration | கிண்டி ஆளுநர் மாளிகையில் நடைபெறும் நவராத்திரி கொலு நிகழ்ச்சியில் பங்கேற்க பொது மக்களுக்கு அழைப்பு விடுக்கப்பட்டுள்ளது.

பொதுமக்கள் இந்த நிகழ்ச்சியில் பங்கேற்க அடையாள சான்று ஏதேனும் அவசியம். அதன்படி பொதுமக்கள் தங்களின் பெயர், வயது, பாலினம், முகவரி, கைபேசி எண், வருகைக்கான தேதி, புகைப்படத்துடன் கூடிய அடையாளச் சான்று போன்ற விவரங்கள் அவசியம்.

இந்த விவரங்களை rbnavaratrifest@tn.gov.in என்ற மின் அஞ்சல் முகவரிக்கு அனுப்ப வேண்டும். அனுப்ப வேண்டிய கடைசி தேதி செப்டம்பர் மாதம் 30 ஆகும். தொடர்ந்து இவர்களுக்கு அழைப்பு அனுமதி வழங்கப்படும். இவர்கள் அக்டோபர் மூன்றாம் தேதி முதல் அக்டோபர் 12ஆம் தேதி வரை மாலை 4 முதல் 6:00 மணி வரை நடைபெறும் நிகழ்ச்சிகளில் பங்கேற்க அனுமதிக்கப்படுவார்கள். இந்தத் தகவலை ஆளுநர் மாளிகை தெரிவித்துள்ளது.

அதில், “’முதலில் வருவோருக்கு முன்னுரிமை’ என்ற அடிப்படையில் ஒவ்வொரு நாளும் அதிகபட்சமாக 150 பார்வையாளர்களுக்கு அனுமதி வழங்கப்படும். விண்ணப்பதாரர்களுக்கு அவர்களுக்கான ஒதுக்கப்பட்டுள்ள நேரத்தினை உறுதிப்படுத்தும் மின்னஞ்சல் அனுப்பப்படும்.

பார்வையாளர்கள் தங்களுக்கு ஒதுக்கப்பட்டுள்ள நேரத்திற்கு குறைந்தது 30 நிமிடங்களுக்கு முன்னதாக, ஆளுநர் மாளிகை இரண்டாம் (2) நுழைவாயில் வழியாக வந்தடைய வேண்டும். மேலும், ஆர்வமுள்ள வெளிநாட்டினரும் ‘நவராத்திரி கொலு 2024’கொண்டாட்டங்களில் கலந்துக்கொள்ள வரவேற்கப்படுகிறார்கள்; அவர்களின் அசல் கடவுச்சீட்டு மட்டுமே அடையாளச் சான்றாக ஏற்றுக்கொள்ளப்படும்” என்றும் தெரிவிக்கப்பட்டுள்ளது.

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்