சொந்தக் கட்சிக்காரரே தவறு செய்திருந்தாலும் தட்டி கேட்பவர் மு.க ஸ்டாலின்: அமைச்சர் சேகர்பாபு!

P. K. Sekar Babu: தமிழக முதலமைச்சர் மு க ஸ்டாலினை பொருத்தவரை தனது சொந்த கட்சிக்காரரே தவறு செய்திருந்தாலும் தட்டி கேட்பவர் என இந்து அறநிலைத்துறை அமைச்சர் சேகர்பாபு தெரிவித்துள்ளார்.

அமைச்சர் சேகர்பாபு

BySaranya JK

Published on: March 17, 2025 at 2:42 pm

சென்னை மார்ச் 17 2025: தமிழக டாஸ்மாக்கில் ரூபாய் 1000 கோடிக்கு மேல் ஊழல்கள் நடைபெற்றுள்ளதாக பாரதிய ஜனதா உள்ளிட்ட எதிர்க்கட்சிகள் தொடர் குற்றச்சாட்டுகளை முன்வைத்து வருகின்றன.
இந்த குற்றச்சாட்டுகளை முன் வைத்து பாரதிய ஜனதா கட்சி சார்பில் இன்று (மார்ச் 17 2025) பல்வேறு இடங்களில் போராட்டம் மற்றும் ஆர்ப்பாட்டங்கள் நடைபெற்றன.

இந்த நிலையில் பாரதிய ஜனதா கட்சியின் மூத்த தலைவர்களான தமிழிசை சௌந்தர்ராஜன், எச் ராஜா, உள்ளிட்ட பலர் கைது செய்யப்பட்டனர்.
தமிழக பாரதிய ஜனதா கட்சியின் மாநில தலைவர் அண்ணாமலையும் கைது செய்யப்பட்டார். இதற்கிடையில், தமிழிசை சௌந்தர்ராஜன் வீட்டுச் சிறையில் வைக்கப்பட்டார் எனவும் குற்றச்சாட்டுகள் எழுந்துள்ளன.

இந்த நிலையில் தமிழக பாரதிய ஜனதா கட்சியினரின் டாஸ்மாக் எதிர்ப்பு போராட்டம் குறித்து இந்து அறநிலையத்துறை அமைச்சர் சேகர்பாபு செய்தியாளர்களை சந்திக்கையில் நிருபர்கள் கேள்விகளை எழுப்பினார்கள்.

இதற்கு பதிலளித்த அமைச்சர் சேகர்பாபு, ” மத்திய அரசு ஊழல் இல்லாத ஓர் அரசு என ஐநா சபையை பாராட்டியுள்ளது. அதனால் இந்த ஆட்சியை அண்ணாமலை குறை சொல்லி வருகிறார். எங்களைப் பொறுத்தவரை முதலமைச்சர் மு க ஸ்டாலினை பொருத்தவரை இன்னார் இனியவர் என்பது அல்ல; மு க ஸ்டாலின் தவறு எங்கு நடந்தாலும் அதன் மீது நடவடிக்கை எடுக்க தயங்காதவர்.

சொந்தக் கட்சிக்காரரே தவறு செய்திருந்தாலும் அதன் மீது நடவடிக்கை எடுப்பவர்; இந்த பிரச்சனை தொடர்பாக நீதிமன்றத்திற்கு சென்றிருக்கிறார்கள். ஆகவே அதிக அளவில் இது தொடர்பாக விளக்கம் அளிப்பது நியாயம் உடையதாக இருக்காது” என்றார்.

மேலும், ” அவர்கள் ( பாஜகவினர்) எதுவும் கைகளில் கிடைக்காதா என ஏங்கி ஏங்கி சுற்றி திரிகின்றனர் என்றார்.

இதையும் படிங்க சென்னை டாஸ்மாக் தலைமையகத்துக்கு பாதுகாப்பு அதிகரிப்பு; 500 போலீசார் குவிப்பு!