பெண்கள், குழந்தைகளுக்கு எதிரான வன்கொடுமைகள் அதிகரிப்பு.. எடப்பாடி பழனிசாமி

EPS Flags Surge in Abuse Cases: “தமிழ்நாட்டில், சட்டம் ஒழுங்கு சவக்குழிக்கே போய்விட்டது” என மு.க ஸ்டாலின் ஆட்சியை விமர்சித்துள்ளார் எடப்பாடி பழனிசாமி.

மு.க ஸ்டாலின், எடப்பாடி பழனிசாமி

BySaranya JK

Published on: March 16, 2026 at 4:36 pm

சென்னை, மார்ச் 16, 2026: மு.க ஸ்டாலின் தலைமையிலான தி.மு.க ஆட்சியில், கடந்த 5 ஆண்டுகளில் சுமார் 30 லாக்கப் மரணங்கள் நிகழ்ந்துள்ளன. கடந்த இரண்டு மாதங்களில் மட்டும் 4 பட்டியலின இளைஞர்கள் லாக்கப்பில் மரணமடைந்துள்ளனர்” என எடப்பாடி பழனிசாமி குற்றஞ்சாட்டியுள்ளார்.

இது குறித்து அவர் இன்று (திங்கள்கிழமை) விடுத்துள்ள அறிக்கையில், “தி.மு.க. ஆட்சிப் பொறுப்பேற்றதில் இருந்து, கடந்த 5 ஆண்டுகளில் சுமார் 30 லாக்கப் மரணங்கள் நிகழ்ந்துள்ளன. கடந்த இரண்டு மாதங்களில் மட்டும் 4 பட்டியலின இளைஞர்கள் லாக்கப்பில் மரணமடைந்துள்ளனர். இதிலிருந்து, விடியா தி.மு.க. ஆட்சியில் சட்டம்-ஒழுங்கு எதைநோக்கிச் செல்கிறது என்பதையும்; வேலியே பயிரை மேய்கிறது என்பதையும் மக்கள் தெளிவாக உணர்ந்து மிகுந்த வேதனைப்படுகின்றனர்” எனக் குறிப்பிட்டுள்ளார்.

2021-ஆம் ஆண்டு, @mkstalin தமிழ் நாட்டினுடைய முதலமைச்சராகப் பொறுப்பேற்ற பிறகு, திமுக-வினுடைய விடியா ஆட்சியில் தமிழ் நாடு கஞ்சா, கள்ளச் சாராயம், போதைப் பொருள் மாஃபியாக்களின் வேட்டைக்காடாக மாற்றப்பட்டிருக்கிறது. தமிழ் நாட்டின் தெருக்களில் கஞ்சா புழக்கம் இல்லாத இடமே இல்லை என்கிற… pic.twitter.com/Uw62PT3ZVR
— Edappadi K Palaniswami-SayYEStoWomenSafety&AIADMK (@EPSTamilNadu) March 16, 2026

இதையும் படிங்க: விஜய்யிடம் சிபிஐ விசாரணை.. TVK யாருடன் கூட்டணி?

மேலும், “தமிழ் நாட்டு மக்கள் பாதுகாப்பின்மையை உணர்கிறார்கள். தமிழ் நாடு ரவுடிகளினுடைய புகலிடமாக, கூலிப் படைகளின் ராஜ்ஜியம் நடக்கின்ற இடமாக மாற்றப்பட்டிருக்கிறது. திமுக அரசு சட்டம்-ஒழுங்கு பிரச்சினைகளுக்கு எதிராக எந்த நடவடிக்கையும் எடுக்கவில்லை என்பது ஏன்? என்கிற கேள்வியை மக்கள் கேட்கிறார்கள்” எனவும் எடப்பாடி பழனிசாமி குறிப்பிட்டுள்ளார்.

முன்னதாக, “போதை கும்பல், கூலிப் படைகள் ஏற்படுத்திய சட்டம்-ஒழுங்கு பிரச்சனைகளில் உச்சமாக, பெண்களுக்கும், குழந்தைகளுக்கும் எதிரான, வரலாற்றில் முன் எப்போதும் பார்த்திடாத அளவிற்கு மிகக் கொடூரமான பாலியல் கொடுமைகளும், கொலைகளும் அரங்கேற்றப்படுகின்றன” எனவும் எடப்பாடி பழனிசாமி குற்றஞ்சாட்டி இருந்தார்.

மேலும், “இந்த கொடூர ஆட்சிக்கு முற்றுப் புள்ளி வைக்கவும், இந்த மக்கள் விரோத ஆட்சியாளர்களுடைய முகத்திரைகளை கிழிக்கும் வண்ணமும், தமிழ் நாடு முழுவதும் அனைத்து வருவாய் மாவட்டத் தலைநகரங்களிலும் ஆர்ப்பாட்டம் நடத்தப்படும்” எனவும் எடப்பாடி பழனிசாமி கூறியுள்ளார்.

இதையும் படிங்க: அதிக வெற்றி கொடுத்தால் அமைச்சர் பதவி.. மு.க ஸ்டாலின்!