குற்றவாளிகளை கண்டறிவதில் அலட்சியம்; தி.மு.க. அரசுக்கு டி.டி.வி தினகரன் கண்டனம்!

Elderly couple murdered in Salem: திருப்பூர், ஈரோட்டை தொடர்ந்து சேலத்திலும் வயதான தம்பதியினர் படுகொலை செய்யப்பட்டதை சுட்டிக் காட்டியுள்ள அ.ம.மு.க பொதுச்செயலாளர் டி.டி.வி தினகரன், குற்றவாளிகளை கண்டறிவதில் திமுக அரசு அலட்சியமாக செயல்படுகிறது எனக் குற்றஞ்சாட்டியுள்ளார்.

மு.க ஸ்டாலின், டி.டி.வி தினகரன்

TTV Dinakaran wishes doctors on Doctors Day

BySaranya JK

Published on: May 12, 2025 at 3:32 pm

சென்னை, மே 12 2025: ‘கொலைக் குற்றவாளிகளை கண்டறிவதில் அலட்சியமாக செயல்படும் திமுக அரசின் செயல்பாடு கடும் கண்டனத்திற்குரியது” என அ.ம.மு.க. பொதுச்செயலாளர் டி.டி.வி தினகரன் கடும் கண்டனம் தெரிவித்துள்ளார்.

இது குறித்து அவர் விடுத்துள்ள அறிக்கையில், “சேலம் மாவட்டம் ஜாகிர் அம்மாபாளையம் பகுதியில் வீட்டில் தனியாக வசித்துவந்த வயதான தம்பதியினர் அடையாளம் தெரியாத நபர்களால் வெட்டிப் படுகொலை செய்யப்பட்டிருப்பதாக ஊடகங்களில் வெளியாகியிருக்கும் செய்திகள் மிகுந்த அதிர்ச்சியளிக்கின்றன” எனக் குறிப்பிட்டுள்ளார்.

காவல் துறை திணறல்

மேலும், “திருப்பூர், ஈரோடு உள்ளிட்ட தமிழகத்தின் மேற்கு மண்டலத்தில் அண்மைக்காலமாகவே தனியாக வசித்து வரும் முதியவர்களை நோட்டமிட்டு கொலை செய்து கொள்ளையில் ஈடுபட்டு வரும் குற்றவாளிகளை கண்டுபிடிக்க முடியாத திமுக அரசால் தற்போது மேலும் ஒரு இரட்டைக் கொலை அரங்கேறியுள்ளது.

ஒவ்வொரு கொலைச் சம்பவத்தின் போதும் பல்வேறு தனிப்படைகளை அமைத்தும், தீவிர தேடுதல் வேட்டை நடத்தியும் இதுவரை கொலைக் குற்றவாளிகளை நெருங்க முடியாமல் திணறி வரும் காவல்துறையின் மீதான மக்களின் நம்பகத்தன்மையை கேள்விக்குறியாக்கியுள்ளது” என விமர்சித்துள்ளார்.

மேலும், “சேலத்தில் வயதான தம்பதியினர் கொலை வழக்கை விரிவாக விசாரித்து கொலைக் குற்றவாளிகளை கண்டறிந்து கடுமையான தண்டனை விதிப்பதோடு, தனியாக வசிக்கும் முதியவர்களின் பாதுகாப்பை உறுதி செய்திட தேவையான நடவடிக்கைகளை மேற்கொள்ள வேண்டும் என காவல்துறையையும், தமிழக அரசையும் வலியுறுத்துகிறேன்” எனவும் வலியுறுத்தியுள்ளார்.

இதையும் படிங்க : சித்திரை முழுநிலவு வன்னிய இளைஞர் பெருவிழா மாநாடு; தீர்மானங்கள் என்னென்ன? முழு விவரம்!