வாஷிங்டன் சுந்தருக்கு எலும்பு காயம்? 2026 டி-20 உலக கோப்பையில் ஆடுவாரா?

T20 World Cup: 2026 டி20 உலகக் கோப்பையில் வாஷிங்டன் சுந்தர், விளையாடுவாரா என்ற சந்தேகம் ஏற்பட்டுள்ளது.

வாஷிங்டன் சுந்தர்

ByPunitha Rajesh

Published on: January 26, 2026 at 11:47 pm

சென்னை, ஜன.26, 2026: இந்திய ஆல்-ரௌண்டர் வாஷிங்டன் சுந்தர், டி20 உலகக் கோப்பைக்கு முன் முழுமையாக குணமடைவாரா என்பது இன்னும் சந்தேகமாக உள்ளது. அவர் காயத்திலிருந்து மீண்டுவர வேண்டும் என ரசிகர்கள் எதிர்நோக்குகின்றனர்.
மேலும், சுந்தர் குணமடையாவிட்டால், இந்திய அணியின் சமநிலை பாதிக்கப்படலாம். எனினும், மறுபுறம் இளம் இடது கை பேட்ஸ்மேன் திலக் வர்மா, காயத்திலிருந்து மீண்டு பங்கேற்கத் தயாராக உள்ளார். இது இந்திய அணிக்கு நல்ல செய்தியாக பார்க்கப்படுகிறது.

மேலும், சுந்தர் இல்லாமல் இந்திய அணியின் ஸ்பின்-ஆல் ரௌண்டர் விருப்பங்கள் குறையும் எனவும், திலக் வர்மா திரும்புவதால் மத்திய வரிசை வலுப்படும் என்றும் எதிர்பார்க்கப்படுகிறது.

முன்னதாக, பரோடா கிரிக்கெட் அசோசியேஷன் மைதானத்தில் நியூசிலாந்துக்கு எதிரான முதல் ஒருநாள் போட்டியில் ஏற்பட்ட விலா எலும்பு காயம் காரணமாக, தற்போது நடைபெறும் ஐந்து போட்டிகள் கொண்ட டி20 தொடரில் வாஷிங்டன் சுந்தர் விளையாட முடியவில்லை.
இந்திய கிரிக்கெட் வாரிய மருத்துவ குழுவின் ஆலோசனைப்படி, அவர் இன்னும் இரண்டு வாரங்கள் ஓய்வு எடுக்க வேண்டும். அதன்பின் தான் முழுமையாக குணமடைவார் என எதிர்பார்க்கப்படுகிறது.

இது குறித்து பி.சி.சி.ஐ, “அவருக்கு முழுமையாக குணமடைய இன்னும் இரண்டு வாரங்கள் தேவை. மருத்துவ குழு மேலும் இரண்டு வாரங்கள் ஓய்வு எடுக்க கூறியுள்ளது.
மூத்த தேர்வுக் குழுவும் அணித் தலைமையும், அவரை தொடர வேண்டுமா அல்லது மாற்று வீரரை சேர்க்க வேண்டுமா என்பதை முடிவு செய்ய வேண்டும்” எனத் தெரிவிக்கின்றன.

வாஷிங்டன் சுந்தருக்கு எலும்பு காயம் ஏற்பட்டுள்ளது. அவருக்கு இரண்டு வார ஓய்வு எடுக்க மருத்துவர்கள் அறிவுறுத்தியுள்ளனர்.

இதையும் படிங்க: உலக கோப்பையில் பாகிஸ்தான் பங்கேற்குமா?