எமனான முன்னாள் காதலன்: உகாண்டா ஒலிம்பிக் வீராங்கனை மரணத்துக்கு காரணம் என்ன?

Rebecca Cheptegei | உகாண்டா ஒலிம்பிக் தடகள வீராங்கனை ரெபேக்கா செப்டேஜி (Rebecca Cheptegei) கென்யா மருத்துவமனையில் 80% தீக்காயங்களுக்கு சிகிச்சை பெற்று வந்தார்.

இந்த நிலையில் அவர் இன்று மரணமடைந்தார். அவருக்கு வயது 33. இது குறித்து, எல்டோரெட் நகரில் உள்ள மோய் போதனை மற்றும் பரிந்துரை மருத்துவமனையின் செய்தித் தொடர்பாளர் ஓவன் மெனாச் இன்று (செப்.4, 2024) செப்டேஜியின் மரணத்தை உறுதிப்படுத்தினார்.

அப்போது அவர், “நீண்ட தூர ஓட்டப்பந்தய வீராங்கனை தனது உறுப்புகள் செயலிழந்ததால் அதிகாலையில் இறந்துவிட்டார்” எனக் கூறினார். மருத்துவமனையில் அனுமதிக்கப்படும்போது செப்டேஜி முழுமையாக மயக்கமடைந்திருந்தாள்.
தாக்குதலுக்கு ஒரு மாதத்திற்கும் குறைவாகவே பாரிஸ் ஒலிம்பிக்கில் பெண்கள் மராத்தானில் செப்டேஜி போட்டியிட்டார். அவர் 44 வது இடத்தைப் பிடித்திருந்தார்.

செப்டேஜியின் முனனாள் காதலன் நிலத் தகராறில் தீ வைத்ததாக கூறப்படுகிறது. இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
கடந்த காலங்களில், 2023 ஆம் ஆண்டில், உகாண்டா ஒலிம்பிக் ஓட்டப்பந்தய வீரரும், ஸ்டீப்பிள் சேஸருமான பெஞ்சமின் கிப்லாகாட் கத்திக்குத்து காயங்களுடன் இறந்து கிடந்தார்.

2022 ஆம் ஆண்டில், கென்யாவில் பிறந்த பஹ்ரைன் தடகள வீராங்கனை டமரிஸ் முத்தீ இறந்து கிடந்தார், மேலும் அவர் கழுத்தை நெரித்து கொல்லப்பட்டதாக பிரேத பரிசோதனை அறிக்கையில் தெரியவந்தது.
2021 ஆம் ஆண்டில், நீண்ட தூர ஓட்டப்பந்தய வீராங்கனையான ஆக்னஸ் டிரோப் தனது வீட்டில் கத்தியால் குத்திக் கொல்லப்பட்டார். அவரது கணவர் இப்ராகிம் ரோட்டிச் கைது செய்யப்பட்டு கொலைக் குற்றம் சாட்டப்பட்டு, வழக்கு நடந்து வருகிறது குறிப்பிடத்தக்கது.

இதையும் படிங்க R (ராஜஸ்தான்), R (ராயல்ஸ்) R (ராகுல்): டிராவிட் புதிய அவதாரம் தெரியுமா?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்