2026 பேட்மிண்டன் ஆசிய சாம்பியன்ஷிப் : பி.வி சிந்து, பிரணாய் அபாரம்!

Badminton Asian Championships 2026: பேட்மிண்டன் ஆசிய சாம்பியன்ஷிப் 2026: இந்திய வீரர்கள் பி.வி. சிந்து, எச்.எஸ். பிரணாய் மற்றும் அயூஷ் ஷெட்டி ஆகியோர் முன்-காலிறுதிக்கு முன்னேறினர்.

பி.வி. சிந்து

ByPunitha Rajesh

Published on: April 9, 2026 at 1:26 pm

புதுடெல்லி, ஏப்.9, 2026: பேட்மிண்டன் ஆசிய சாம்பியன்ஷிப் 2026 தொடரில், இந்திய வீரர்கள் பி.வி. சிந்து, எச்.எஸ். பிரணாய் மற்றும் அயூஷ் ஷெட்டி ஆகியோர் முன்-காலிறுதிக்கு முன்னேறினர்.

பாட்மின்டன் ஆசிய சாம்பியன்ஷிப் 2026 இல் இன்று சீனாவின் நிங்போவில் நடைபெற்ற போட்டிகளில், இந்திய வீரர்கள் பி.வி. சிந்து, எச்.எஸ். பிரணாய் மற்றும் அயூஷ் ஷெட்டி முன்-காலிறுதிக்கு முன்னேறினர்.
இருமுறை ஒலிம்பிக் பதக்கம் வென்ற பி.வி. சிந்து, மலேசியாவின் வோங் லிங் சிங்கை 15-21, 21-11, 21-19 என்ற கணக்கில் கடுமையான போட்டியில் வென்றார். ஆண்கள் ஒற்றையர் பிரிவில், எச்.எஸ். பிரணாய், வியட்நாமின் நுயென் ஹாய் டாங்கை 24-22, 21-12 என்ற கணக்கில் வென்று, அடுத்த சுற்றில் சீனாவின் வெங் ஹாங் யாங் எதிராக மோத உள்ளார்.

அயூஷ் ஷெட்டி, சீனாவின் உலக எண் 7 வீரர் லி ஷி ஃபெங்-ஐ 21-13, 21-16 என்ற நேரடி செட்களில் வீழ்த்தி அனைவரின் கவனத்தையும் ஈர்த்தார். அவர் அடுத்த சுற்றில் சீனீஸ் தைப்பேயின் சி யூ ஜென்-ஐ எதிர்கொள்கிறார். இதற்கிடையில், லக்ஷ்யா சென் ஹாங்காங் வீரர் லீ சியுக் யியூவிடம் 12-21, 19-21 என்ற கணக்கில் தோல்வியடைந்தார். கிடாம்பி ஸ்ரீகாந்தும் சிங்கப்பூரின் லோ கியான் யூவிடம் தோல்வியடைந்து வெளியேற்றப்பட்டார். பெண்கள் ஒற்றையர் பிரிவில், இந்திய வீராங்கனைகள் மலவிகா பன்சோட் மற்றும் தன்வி சர்மா தங்களது போட்டிகளில் தோல்வியடைந்து வெளியேற்றப்பட்டனர்.

இந்த சாதனை, இந்திய அணியின் சாம்பியன்ஷிப் பயணம் மற்றும் சிந்து, பிரணாய், ஷெட்டி முன்னேற்றம் ஆகியவற்றை பறைசாற்றுகிறது குறிப்பிடத்தக்கது.

இதையும் படிங்க: வங்கதேச கிரிக்கெட் கவுன்சிலில் குழப்பம்.. ஐ.சி.சி.க்கு கடிதம் எழுதிய அமினுல்!