Rohit Sharma:: 2027 உலக கோப்பை மற்றும் டெஸ்ட் போட்டிகளில் ரோகித் சர்மா தொடர்ந்து ஆடுவார் எனத் தகவல்கள் தெரிவிக்கின்றன.
Rohit Sharma:: 2027 உலக கோப்பை மற்றும் டெஸ்ட் போட்டிகளில் ரோகித் சர்மா தொடர்ந்து ஆடுவார் எனத் தகவல்கள் தெரிவிக்கின்றன.
Published on: March 13, 2025 at 11:37 am
இந்திய கிரிக்கெட் அணியின் கேப்டன் ரோகித் சர்மா, தென் ஆப்பிரிக்காவில் நடைபெறும் 2027 ஒருநாள் உலகக் கோப்பை வரை தனது கிரிக்கெட் வாழ்க்கையை நீட்டிக்க திட்டமிட்டுள்ளதாக தகவல்கள் வெளியாகி உள்ளன. மேலும், அவர் டெஸ்ட் கிரிக்கெட் போட்டிகளிலும் தொடர்ந்து விளையாடுவார் எனவும் அந்தத் தகவலில் கூறப்பட்டுள்ளது.
இது குறித்து பிரபல கிரிக்கெட் இணையதளமான கிரிக்பஸ்ஸின் கூற்றுப்படி, சர்வதேச கிரிக்கெட்டில் தேவையான தரத்தை நிலைநிறுத்த, தற்போதைய ஆண்கள் அணியின் மூத்த உதவி பயிற்சியாளர் அபிஷேக் நாயர் உதவுகிறார்.
இவர் உடற்தகுதி மற்றும் பேட்டிங்கில் பணியாற்ற அவர் ஏற்கனவே ஒரு திட்டத்தை வகுத்துள்ளார். அவரது எதிர்காலம் குறித்த பல முடிவுகள் வரவிருக்கும் ஐபிஎல் 2025 இல் அவரது செயல்திறனைப் பொறுத்தது என்று அறிக்கை கூறியுள்ளது.
ரோகித்தின் முன்னாள் மும்பை அணி வீரரான நாயர், கே.எல். ராகுல் மற்றும் தினேஷ் கார்த்திக் உள்ளிட்ட ஏராளமான இந்திய கிரிக்கெட் வீரர்களுடன் இணைந்து பணியாற்றியுள்ளார். இந்த நிலையில், 2027ல் ரோகித் சர்மாவின் வயது 40 ஆக இருக்கும். இந்த நிலையில், அவர் தனது உடல் தகுதியை பொறுத்து இந்த முடிவை எட்டுவார் என்றும் 2027 உலக கோப்பையில் ரோகித் சர்மா விளையாடவே வாய்ப்புகள் அதிகம் எனவும் கூறப்படுகிறது.
முன்னதாக சாம்பியன்ஸ் டிராபி இறுதிப் போட்டியில் நியூசிலாந்தை வீழ்த்தி இந்தியா ஒரு அற்புதமான வெற்றியைப் பதிவு செய்தபோது, ரோகித் 76 ரன்கள் எடுத்திருந்தார்.
அப்போது அவர ஓய்வு குறித்து வெளியான செய்தியையும் மறுத்தார் என்பது குறிப்பிடத்தக்கது.
இதையும் படிங்க : குண்டான ரோஹித் சர்மா.. விமர்சித்த காங்கிரஸ் நிர்வாகி.. பி.சி.சி.ஐ கடும் கண்டனம்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
