ரஜத் படிதார் மீண்டும் புறக்கணிப்பு.. ஹர்பஜன் சிங் கடும் எதிர்ப்பு!

Harbhajan Singh: இந்திய டி-20 கிரிக்கெட் அணியில் ரஜத் படிதார் மீண்டும் புறக்கணிக்கப்பட்ட நிலையில், ஹர்பஜன் சிங் கடும் எதிர்ப்பை பதிவு செய்துள்ளார்.

ரஜத் படிதார்

ByPunitha Rajesh

Published on: June 7, 2026 at 2:21 pm

புதுடெல்லி, ஜூன் 7, 2026: இந்தியாவின் டி20ஐ அணிகள் அறிவிக்கப்பட்டபோது, பல ஆச்சரியமான முடிவுகள் வெளிப்பட்டன. சூர்யகுமார் யாதவ் கேப்டன் பதவியிலிருந்து நீக்கப்பட்டு, ஷ்ரேயஸ் ஐயர் புதிய கேப்டனாக நியமிக்கப்பட்டது பெரும் விவாதத்தை ஏற்படுத்தியது. இதற்கிடையில், ரஜத் படிதார் மீண்டும் புறக்கணிக்கப்பட்டது முன்னாள் இந்திய சுழற்பந்து வீச்சாளர் ஹர்பஜன் சிங்கின் கடும் எதிர்வினையை தூண்டியது.

ஹர்பஜன் சிங் எதிர்ப்பு

Sad no Rajat Patidar in the indian squad. What else he needs to do ? Scored 501 runs strike rate almost 200 . Unfair 💔 @rrjjt_01 Easily the best middle order in India . Proper striker with good technique
— Harbhajan Turbanator (@harbhajan_singh) June 6, 2026

ஹர்பஜன், படிதார் அணியில் இடம்பிடிக்கத் தேவையான அனைத்தையும் செய்துள்ளார் என்று வாதிட்டார். 192.69 ஸ்டிரைக் ரேட்டில் 500 ரன்களுக்கு மேல் எடுத்திருந்தார், மேலும் மிடில் ஆர்டரில் தாக்கத்தை ஏற்படுத்தியிருந்தார் எனக் கூறியுள்ளார். இது குறித்து ட்விட்டர் எக்ஸ் தளத்தில் ஹர்பஜன் சிங், “இந்திய அணியில் ரஜத் பாடிதார் இல்லாதது வருத்தமளிக்கிறது. அவர் வேறு என்னதான் செய்ய வேண்டும்? 501 ரன்கள் எடுத்துள்ளார், ஸ்டிரைக் ரேட் கிட்டத்தட்ட 200. இது அநியாயம்” என்று தெரிவித்துள்ளார்..

அதே நேரத்தில், சூர்யகுமார் யாதவ் கேப்டன் பதவியிலிருந்து நீக்கப்பட்டதற்காகவும் ஹர்பஜன் வருத்தம் தெரிவித்தார். உலகக் கோப்பையை வென்ற அணியில் இடம்பெறாத போதிலும், ஐயருக்கு கேப்டன் பதவி வழங்கப்பட்டதை அவர் வாழ்த்தியதோடு, சூர்யாவின் நிலைமைக்கு தனது அனுதாபத்தையும் வெளிப்படுத்தினார்.

இந்த முடிவுகள், தேர்வுக் குழுவின் அணுகுமுறையைப் பற்றிய பெரும் விவாதத்தை தூண்டியுள்ளன. வைபவ் சூர்யவன்ஷி போன்ற இளம் வீரர்கள் விரைவாக அணியில் இடம் பெற்ற நிலையில், அனுபவமிக்க மற்றும் தொடர்ந்து சிறப்பாக விளையாடிய படிதார் புறக்கணிக்கப்பட்டது “நியாயமற்றது” என பலரும் கருதுகின்றனர். இதனால், இந்தியாவின் டி20 திட்டங்களில் புதிய மாற்றங்கள் மற்றும் சவால்கள் உருவாகியுள்ளன.

இதையும் படிங்க : இந்திய டி-20 கேப்டன் இவரா? வெளியான பரபரப்பு தகவல்!