குலசேகரப்பட்டினத்தில் அக்.3 கொடியேற்றம்: தசரா ஏற்பாடுகள் தீவிரம்!

Kulasekharapatnam Dussehra festival | குலசேகரன்பட்டினம் அருள்தரும் முத்தாரம்மன் திருக்கோயிலின் அறங்காவலர் குழு தலைவர் வே.கண்ணன் விடுத்துள்ள அறிக்கையில், “குலசேகரன்பட்டினம் அருள்தரும் முத்தாரம்மன் திருக்கோயிலின் தசரா பெருந்திருவிழா கொடியேற்றம் அக்.3, 2024 அன்று நடைபெறுகிறது.

திருவிழா 13.10.2024 செவ்வாய் கிழமை வரை வெகுசிறப்பாக நடைபெற உள்ளது. மேற்படி திருவிழா நடத்துவதற்கான முன்னேற்பாடுகள் தொடர்பாகவும் தசரா குழுக்கள் செல்லும் வழி மற்றும் இதர செயல்பாடுகள் குறித்தும் ஆலோசனை கூட்டம் 13.09.2024 (வெள்ளிக்கிழமை) அன்று திருச்செந்தூர் வருவாய் கோட்டாச்சியர் மற்றம் காவல்துறை உதவி கண்காணிப்பாளர் தலைமையில் நடைபெறும்.

இந்தக் கூட்டம், இத்திருக்கோயில் முன்மண்டபம் அருகில் உள்ள சிவனணைந்த பெருமாள் திருமண மண்டபத்தில் வைத்து காலை 10.30 மணிக்கு நடைபெற உள்ளது.
எனவே தசரா குழு நிர்வாகிகள் அனைவரும் தவறாது கலந்து கொள்ளுமாறு கேட்டுக்கொள்ளப்படுகிறது. மேலும் 13.09.2024 (வெள்ளிக்கிழமை) அன்று எடுக்கப்படும் முடிவுகள் அனைத்தும் திருவிழா நாட்களில் திருக்கோயிலுக்கு வரும் தசராக் குழுக்களையும் கட்டுப்படுத்தும் என்பது தெரிவிக்கப்படுகிறது. இவ்வாறு அதில் கூறப்பட்டுள்ளது.

இதையும் படிங்க மயானத்தில் கடும் தவம்; சுழட்டி அடித்த பேய்கள்: நேரில் காட்சிக் கொடுத்த முருகன்!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்