காங்கிரஸ் இளம் பெண் நிர்வாகி கொலை.. கைதானவர் பரபரப்பு வாக்குமூலம்!

Haryana Congress worker Murder: காங்கிரஸ் இளம் பெண் நிர்வாகி கொலை வழக்கில், கைதானவர் பரபரப்பு வாக்குமூலம் அளித்துள்ளார். ஹரியானா காங்கிரஸ் தொண்டர் ஹிமானி நர்வாலின் உடல் மார்ச் 1, 2025 சூட்கேஸில் கண்டெடுக்கப்பட்டது.

ராகுல் காந்தி உடன் ஹிமானி நர்வாலின்

BySaranya JK

Published on: March 3, 2025 at 11:38 am

Himani Narwal’s body found in suitcase: ஹரியானா காங்கிரஸ் தொழிலாளி ஹிமானி நர்வாலை கொலை செய்ததாக கைது செய்யப்பட்ட சந்தேக நபர் குற்றத்தை ஒப்புக்கொண்டதாகவும், விசாரணையின் போது அவர்கள் நீண்ட காலமாக உறவில் இருந்ததாகவும் போலீசாரிடம் தெரிவித்ததாக தகவல்கள் வெளியாகியுள்ளன.

மார்ச் 1, 2025 ரோஹ்தக்கில் உள்ள ஒரு பேருந்து நிலையம் அருகே ஒரு சூட்கேஸில் ஹிமானியின் உடல் கண்டெடுக்கப்பட்டது. இந்நிலையில், இரண்டு நாட்களுக்குப் பிறகு, திங்களன்று (மார்ச் 3, 2025) டெல்லியில் குற்றவாளியாக கருதப்படும் சச்சின் கைது செய்யப்பட்டார். கைது செய்யப்பட்டபோது சச்சினிடம் ஹிமானியின் மொபைல் போனும் கண்டெடுக்கப்பட்டது. ஹரியானாவின் பகதூர்கரை சேர்ந்த சச்சின், ஹிமானி தன்னிடம் லட்சக்கணக்கில் பணம் பறித்ததாகவும், மேலும் பணம் கேட்டதாகவும் போலீசாரிடம் தெரிவித்துள்ளார்.

அதாவது, அவர் தன்னை மிரட்டி பணம் பறித்ததாகவும் அவர் குற்றம் சாட்டினார். மேலும், தொடர்ந்து பணம் கேட்டு வந்ததால் விரக்தியடைந்து ரோஹ்தக்கில் உள்ள அவரது வீட்டில் ஹிமானியைக் கொன்றதாக சச்சின் ஒப்புக்கொண்டார். ரோஹ்தக்கின் விஜய் நகரில் உள்ள தனது மூதாதையர் வீட்டில் வசித்து வந்த ஹிமானி, பாரத் ஜோடோ யாத்திரையின் போது காங்கிரஸ் எம்பி ராகுல் காந்தியுடன் நடந்து சென்றார். இதையடுத்து அவருக்கு மிகப்பெரிய அளவில் அரசியல் புகழ் கிடைத்தது.

முன்னதாக, ஹிமானியின் தாயார் சவிதா செய்தியாளர்களிடம் கூறுகையில், இந்தக் கொலை உள்நோக்கத்துடன் செய்யப்பட்டது. மேலும், காங்கிரஸில் உள்ள சில தலைவர்கள் குறுகிய காலத்தில் கட்சியில் அவர் பெற்ற விரைவான உயர்வைப் பார்த்து பொறாமைப்பட்டனர் என்றார். தொடர்ந்து, இந்தக் கொலையில் காங்கிரஸ் பிரமுகர்களுக்கு தொடர்பு இருக்கலாம் என்றார் என்பது குறிப்பிடத்தக்கது.

இதையும் படிங்க : சூட்கேஸில் காங்கிரஸ் பெண் நிர்வாகி பிணம்.. உச்சக்கட்ட டென்ஷன்!