சோனியா காந்தி மருத்துவமனையில் அனுமதி.. என்ன பிரச்சனை? மருத்துவர் பதில்

Sonia Gandhi Health condition: சோனியா காந்தி செவ்வாய்க்கிழமை புதுடெல்லியில் உள்ள மருத்துவமனையில் அனுமதிக்கப்பட்டார்; அவர் நலமுடன் இருப்பதாக மருத்துவர்கள் தரப்பில் தெரிவிக்கப்பட்டுள்ளது.

சோனியா காந்தி

ByPushpa Gopinath

Published on: March 25, 2026 at 10:14 am

புதுடெல்லி மார்ச் 25 2026;முன்னாள் காங்கிரஸ் தலைவர் சோனியா காந்தி, உடல்நலக்குறைவால், டெல்லி நகரில் உள்ள சர் கங்கா ராம் மருத்துவமனையில் அனுமதிக்கப்பட்டுள்ளார். இந்நிலையில், “பெரிய பிரச்சினை எதுவும் இல்லை” என மருத்துவர்கள் தரப்பில் தெரிவிக்கப்பட்டுள்ளது.

மேலும், தற்போது அவர் மருத்துவர்களின் கண்காணிப்பில் உள்ளார் என்றும் தெரிவிக்கப்பட்டுள்ளது. கடந்த ஜனவரியிலும், அவர் டெல்லி நகரில் உள்ள சர் கங்கா ராம் மருத்துவமனையில் அனுமதிக்கப்பட்டிருந்தார்.

அப்போது, அவருக்கு சுவாசக் குறைபாடு ஏற்பட்டது. இது குறித்து, மருத்துவமனை தலைவர் அஜய் ஸ்வரூப் கூறுகையில், விரிவான மருத்துவ பரிசோதனையில், சோனியா காந்தியின் ப்ராங்கியல் ஆஸ்துமா சிறிதளவு மோசமடைந்தது கண்டறியப்பட்டது” என்றார்.

இதற்கு காரணம், குளிரான வானிலை மற்றும் டெல்லியின் மாசு நிலை இணைந்து தாக்கம் செலுத்தியது எனக் கூறப்படுகிறது. டெல்லியில் வழக்கத்துக்கு மாறாக கடந்த ஒரு வார காலம் மழை மற்றும் குளிர் அதிகரித்து காணப்படுகிறது; காலை மற்றும் இரவு நேரங்களில் இதன் தாக்கம் அதிகமாக இருக்கிறது. இந்த நிலையில், தற்போது, சோனியா காந்தி மருத்துவர்களின் கண்காணிப்பில் உள்ளார், மேலும் நிலைமை பெரிய பிரச்சினை அல்ல என்று கூறப்படுகிறது.

இதையும் படிங்க; மதம் மாறினால் பட்டியல் இன அந்தஸ்து இழப்பு.. உச்ச நீதிமன்றம்!