தன்னலமற்ற தியாகம், மாமனிதர்கள்.. திருப்பூர் குமரன், சுப்பிரமணிய சிவாவை போற்றிய மோடி!

Narendra Modi Post on X: சுதந்திரப் போராட்ட வீரர்கள் திருப்பூர் குமரன் மற்றும் சுப்பிரமணிய சிவாவை பிரதமர் நரேந்திர மோடி நினைவுகூர்ந்துள்ளார்.

பிரதமர் நரேந்திர மோடி

BySaranya JK

Published on: October 4, 2025 at 6:20 pm

புதுடெல்லி, அக்.4, 2025: பிரதமர் நரேந்திர மோடி ட்விட்டர் எக்ஸ் தளத்தில் தமிழில் பதிவிட்டுள்ள பதிவில், “இன்று நாம், பாரத மாதாவின் இரு தவப் புதல்வர்களான திருப்பூர் குமரன் மற்றும் சுப்பிரமணிய சிவா ஆகியோரை நினைவு கூர்ந்து வணங்குவோம். உன்னதமான தமிழ்நாட்டைச் சேர்ந்த இருவரும், இந்தியாவின் விடுதலைக்காகவும், தேசப்பற்று உணர்வை விதைப்பதற்காகவும் தங்கள் வாழ்வையே அர்ப்பணித்தவர்களாவர்” எனத் தெரிவித்துள்ளார்.

மேலும், “திருப்பூர் குமரன், தன் இறுதி மூச்சுவரை நமது தேசியக் கொடியை ஏந்தி உயிர் தியாகம் செய்தார், இதன் மூலம் அசாத்திய துணிச்சலையும் தன்னலமற்ற தியாகத்தையும் அவர் வெளிப்படுத்தினார். சுப்ரமணிய சிவா, தமது தைரியமான எழுத்து மற்றும் அனல் பறக்கும் உரை வீச்சின் மூலம் எண்ணற்ற இளைஞர்களிடையே கலாச்சார பெருமிதத்தையும், தேசப்பற்றையும் விதைத்தார்.

இவ்விரு மாமனிதர்களின் முயற்சிகள், நம் அனைவரின் நினைவிலும் நீக்கமற நிறைந்திருப்பதுடன், காலனித்துவ ஆட்சியிலிருந்து நமது விடுதலையை உறுதி செய்த ஏராளமான மக்களின் போராட்டங்களையும் இன்னல்களையும் நமக்கு நினைவூட்டுகின்றன.

தேச ஒற்றுமை மற்றும் வளர்ச்சியை நோக்கி நாம் அனைவரும் முன்னேற, இவர்களது பங்களிப்புகள் நமக்குத் தொடர்ந்து ஊக்கமளிக்கட்டும்” எனத் தெரிவித்துள்ளார்.

இதையும் படிங்க :பாடகர் ஜூபின் கார்க் மரணத்துக்கு என்ன காரணம்? விசாரணை ஆணையம் அமைத்த அரசு!