‘நாட்டை துண்டாக்க பேராசைக்காரர்கள் பசியில் இருக்கிறார்கள்’: பிரதமர் நரேந்திர மோடி

Gujarat | Narendra Modi | இந்திய நாட்டின் ஒற்றுமை மற்றும் ஒருமைப்பாட்டை சிலர் எதிர்மறையாக தாக்குகிறார்கள் என்று பிரதமர் நரேந்திர மோடி திங்கள்கிழமை (செப்.16) எதிர்க்கட்சிகளை தாக்கினார்.
குஜராத் மாநிலம் ஆமதாபாத்தில் நடந்த நிகழ்ச்சி ஒன்றில் பேசிய பிரதமர் நரேந்திர மோடி, “இந்தியாவின் மீதான நம்பிக்கை அதிகரிக்கும்போது, ​​நமது ஏற்றுமதிகள் அதிகரித்து, அதிக முதலீடுகள் நாட்டிற்கு வருகின்றன.

இந்தியா மீதான நம்பிக்கை அதிகரிக்கும் போது, ​​வெளிநாட்டு முதலீட்டாளர்கள் தங்கள் பணத்தை இந்தியாவில் முதலீடு செய்கிறார்கள். தொழிற்சாலைகளில் முதலீடு செய்கிறார்கள். நாட்டின் ஒவ்வொரு குடிமகனும் முழு உலகிலும் இந்தியாவின் பிராண்ட் அம்பாசிடராக மாற விரும்புகிறார்கள். தனது நாட்டை முன்னோக்கி கொண்டு செல்வதில் ஈடுபட்டுள்ளனர்.

மறுபுறம், அதே நாட்டில், எதிர்மறை உணர்வுகள் நிறைந்த சிலர் இதற்கு நேர்மாறாக நடந்து கொள்கிறார்கள். இவர்கள் நாட்டின் ஒருமைப்பாட்டைத் தாக்குகிறார்கள். அதிகார வெறி கொண்ட இந்த பேராசைக்காரர்கள் இந்தியாவை துண்டு துண்டாக உடைக்க விரும்புகிறார்கள்.
ஜம்மு காஷ்மீரில் சட்டப்பிரிவு 370ஐ மீண்டும் கொண்டு வருவோம் அல்லது ஜம்மு காஷ்மீரில் இரண்டு அரசியலமைப்பு மற்றும் இரண்டு சட்டங்களின் ஆட்சியை மீண்டும் அமல்படுத்த விரும்புகிறோம் என்று இவர்கள் ஒன்றாகச் சொல்கிறார்கள்” என்றார்.

மேலும், எதிர்மறை எண்ணம் கொண்ட இவர்கள் இந்தியாவை இழிவுபடுத்த எந்த வாய்ப்பையும் விட்டுவிட மாட்டார்கள், அதனால்தான் இவர்கள் தொடர்ந்து குஜராத்தையும் குறிவைத்து வருகின்றனர்.
அவர்களிடம் எச்சரிக்கையாக இருக்க வேண்டும். அவர்கள் மீதும் ஒரு கண் வைத்திருக்க வேண்டும். வளர்ச்சிப் பாதையில் செல்லும் இந்தியா இத்தகைய சக்திகளை வலுவாக எதிர்த்துப் போராடும்.

நாம் தற்போது நேரத்தை வீணடிக்க முடியாது, இந்தியாவின் வளர்ச்சியை அதிகரிக்க வேண்டும், மேலும் ஒவ்வொரு இந்தியனுக்கும் கண்ணியமான வாழ்க்கையை வழங்க வேண்டும். இதிலும் குஜராத் முன்னணியில் இருப்பதாக அறிகிறேன்” என்றார்.
தொடர்ந்து, “அடுத்த 25 ஆண்டுகளில் இந்தியாவை வளர்ச்சி அடையச் செய்ய வேண்டும். இந்த இலக்கில், குஜராத் முக்கிய பங்கு வகிக்கப் போகிறது. குஜராத், இன்று மிகப்பெரிய உற்பத்தி மையமாக மாறி வருகிறது” என்றார்.

இதையும் படிங்க : ராகுல் காந்தியின் நாக்கை.. ஷிண்டே சிவசேனா எம்.எல்.ஏ. மிரட்டல்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்