ஈரான்- அமெரிக்கா மோதல்.. ஒன்றுகூடிய ராகுல், அகிலேஷ்.. அதிர்ந்த நாடாளுமன்றம்!

West Asia conflict: மேற்கு ஆசியா மோதல் விவகாரம் தொடர்பாக, முழுமையான விவாதம் நடத்த வேண்டும் எனக் கோரி எதிர்க்கட்சித் எம்.பிக்கள் பாராளுமன்ற வளாகத்தில் போராட்டம் நடத்தினர்.

நாடாளுமன்றத்தில் எதிர்க்கட்சிகள் வெளிநடப்பு

ByJayakrishnan R

Published on: March 9, 2026 at 4:25 pm

புதுடெல்லி, மார்ச் 9, 2026: மேற்கு ஆசியா மோதல் விவகாரம் தொடர்பாக முழுமையான விவாதம் நடத்த வேண்டும் எனக் கோரி எதிர்க்கட்சித் எம்.பிக்கள் பாராளுமன்ற வளாகத்தில் போராட்டம் நடத்தினர்.

இதற்கு முன், எதிர்க்கட்சிகளின் தலைவர்கள், பாராளுமன்ற வளாகத்தில் எதிர்ப்புகளை வெளிப்படுத்தினார்கள். முன்னதாக எதிர்கட்சி தலைவர்கள், ராஜ்யசபா எதிர்க்கட்சித் தலைவரும், காங்கிரஸ் கட்சியின் தலைவருமான மல்லிகார்ஜுன் கார்கேவை அவரது அறையில் சந்தித்து, பட்ஜெட் அமர்வின் இரண்டாம் பாதிக்கான திட்டத்தைப் பற்றி ஆலோசித்தனர்.

இந்நிலையில், காங்கிரஸ் கட்சியின் தலைவர் மல்லிகார்ஜுன் கார்கே, முன்னாள் தலைவர் ராகுல் காந்தி, சமாஜ்வாதி கட்சி தலைவர் அகிலேஷ் யாதவ் உள்ளிட்ட எதிர்க்கட்சித் எம்.பிக்கள், மேற்கு ஆசியா மோதல் குறித்து விவாதம் நடத்த வேண்டும் எனக் கோரி திங்கட்கிழமை பாராளுமன்ற வளாகத்தில் போராட்டம் நடத்தினர். அப்போது, மத்திய அரசாங்கம் முக்கிய பிரச்சினைகளில் “மௌனம்” காத்திருப்பதை அவர்கள் கண்டித்தனர்.

இதற்கு முன், எதிர்க்கட்சிகளின் தரைத் தலைவர்கள், ராஜ்யசபா எதிர்க்கட்சித் தலைவர் கார்கே அவர்களின் அறையில் சந்தித்து, பட்ஜெட் அமர்வின் இரண்டாம் பாதிக்கான திட்டத்தைப் பற்றி ஆலோசித்தனர்.

அப்போது, மல்லிகார்ஜூன கார்கே, ராகுல் காந்தி, சமாஜ்வாதி கட்சியின் ராம் கோபால் யாதவ், திமுகவின் தயாநிதி மாறன், ஷரத் பவார் தேசியவாத காங்கிரஸ் கட்சியின் சுப்ரியா சுலே, சிவசேனா (உத்தவ் தாக்கரே) கட்சியின் சஞ்சய் ராவுத் உள்ளிட்டோர் அந்தக் கூட்டத்தில் பங்கேற்றனர்.

இந்நிலையில், ட்விட்டர் எக்ஸ் தளத்தில் வெளியிட்ட பதிவில் கார்கே, “பாராளுமன்றம் பட்ஜெட் அமர்வின் இரண்டாம் பகுதியில் மீண்டும் கூடும் நிலையில், அமெரிக்கா–இஸ்ரேல்–ஈரான் போர் நம் பின்வாசலில் வந்து விட்டது. இந்த சூழலில், தற்போதைய புவியியல் அரசியல் நெருக்கடி குறித்து முழுமையான விவாதம் நடத்துவது அவசியம்,” என வலியுறுத்தி இருந்தார்.

இதையும் படிங்க: பிப்.28ஆம் தேதி 3 கப்பல்களுக்கு அனுமதி கோரிய ஈரான்.. ஜெய்சங்கர் தகவல்