பாகிஸ்தான் பயங்கரவாதி இறுதிச் சடங்கில் அரசு, இராணுவ அதிகாரிகள்.. யார் யார் பங்கேற்பு தெரியுமா?

Operation Sindoor: ஆபரேஷன் சிந்தூரில் கொல்லப்பட்ட பயங்கரவாதிகளின் இறுதிச் சடங்கில் பாகிஸ்தானின் உயர் போலீஸ், ராணுவ அதிகாரிகள் கலந்து கொண்டுள்ளனர். இது சர்வதேச அரங்கில் அதிர்ச்சியை ஏற்படுத்தியுள்ளது.

பாக். பயங்கரவாதி இறுதிச் சடங்கில் அரசு அதிகாரிகள்

Military officials participate in the funeral of the Pakistani terrorist killed in Operation Sindoor

BySaranya JK

Published on: May 12, 2025 at 10:40 am

புதுடெல்லி, மே 12 2025: பாகிஸ்தானின் பயங்கரவாத ஊக்குவிப்புக்கு எதிராக இந்திய அரசு’ஆபரேஷன் சிந்தூர்’ என்ற நடவடிக்கையை போர்க்கால அடிப்படையில் முன்னெடுத்தது. இந்த நடவடிக்கையின் கீழ் இந்தியா நடத்திய துல்லியத் தாக்குதலில் கொல்லப்பட்ட பயங்கரவாதிகளின் இறுதிச் சடங்கில் பாகிஸ்தானின் உயர் அதிகாரிகள் கலந்து கொண்டுள்ளனர்.

இந்தப் பயங்கரவாதியின் இறுதிச் சடங்கில் கலந்து கொண்ட பாகிஸ்தான் அதிகாரிகளின் பெயர்களை இந்தியா ஞாயிற்றுக்கிழமை (மே 11 2025) வெளியிட்டது. இது குறித்து ஏ.என்.ஐ செய்தி நிறுவனம் செய்தி வெளியிட்டுள்ளது.

இது தொடர்பாக பாதுகாப்பு அமைச்சகத்தின் கூற்றுப்படி, பஹாவல்பூரின் முரிட்கேவில் கொல்லப்பட்ட பயங்கரவாதிகளின் இறுதிச் சடங்கில் பாகிஸ்தான் ராணுவத்தின் உயர் அதிகாரிகள் கலந்து கொண்டனர் எனத் தெரிவிக்கப்பட்டுள்ளது.

அதாவது, பாகிஸ்தானின் பஞ்சாபில் உள்ள காவல்துறை இன்ஸ்பெக்டர் ஜெனரலும் இறுதிச் சடங்கில் கலந்து கொண்டுள்ளார் என்ற தகவல் வெளியாகியுள்ளது. மேலும், இறுதிச் சடங்கில் கலந்து கொண்ட மற்ற பாகிஸ்தான் அதிகாரிகளில் லெப்டினன்ட் ஜெனரல் ஃபயாஸ் உசேன், மேஜர் ஜெனரல் ராவ் இம்ரான், நிர்வாகத்தைச் சேர்ந்த பிரிகேடியர் முகமது ஃபுர்கான், பாகிஸ்தான் பஞ்சாப் சட்டமன்ற உறுப்பினர் உஸ்மான் அன்வர் மற்றும் மாலிக் சோஹைப் அகமது ஆகியோர் அடங்குவார்கள் எனத் தெரிவிக்கப்பட்டுள்ளது.

ஆபரேஷன் சிந்தூர்

2025 ஏப்ரல் 22ஆம் தேதி ஜம்மு காஷ்மீரில் புகுந்து பயங்கரவாதிகள் உள்ளூர்வாசி உள்பட 26 சுற்றுலாப் பயணிகளை சுட்டுக்கொன்றனர். இந்தத் தாக்குதலுக்கு பதிலடியாக இந்த நடபடிக்கை எடுக்கப்பட்டுள்ளது குறிப்பிடத்தக்கது.

இதையும் படிங்க : ஆபரேஷன் சிந்தூர்; 100 பயங்கரவாதிகள், 40 பாகிஸ்தான் வீரர்கள் பலி