டாக்டர் பலாத்கார கொலை: பதவி விலக தயார்- மம்தா பானர்ஜி

West Bengal | Mamata Banerjee | மேற்கு வங்க முதலமைச்சர் பதவியில் இருந்து விலக தயாராக இருப்பதாக அம்மாநில முதல் அமைச்சர் மம்தா பானர்ஜி தெரிவித்துள்ளார்.
மம்தா பானர்ஜி வியாழக்கிழமை (செப்.12, 2024) முதல்வர் பதவியில் இருந்து விலக முன்வந்தார். செய்தியாளர் சந்திப்பின்போது, “முதலமைச்சர் பதவியைப் பற்றி கவலைப்படவில்லை” என்றார்.

இது குறித்து பேசிய மம்தா பானர்ஜி, “மேற்கு வங்க முதல்வர் பதவியை ராஜினாமா செய்ய நான் தயாராக இருக்கிறேன். பதவியைப் பற்றி நான் கவலைப்படவில்லை. எனக்கு நீதி வேண்டும், நீதி வழங்கப்படுவதைப் பற்றி மட்டுமே நான் கவலைப்படுகிறேன்” என்றார்.
மேலும், “டாக்டர்கள் போராட்டத்தை கைவிட்டுவிட்டு பணிக்கு திரும்ப வேண்டும்” என்றார். ஆர்.ஜி கர் மருத்துவக் கல்லூரியில் நடந்த கொடூரமான கற்பழிப்பு மற்றும் கொலை சம்பவத்திற்கு எதிர்ப்பு தெரிவித்த மருத்துவர்கள் அவரைச் சந்திக்க மறுத்ததைத் தொடர்ந்து முதலமைச்சர் மம்தா பானர்ஜி ராஜினாமா செய்யப் போவதாக அறிவித்துள்ளார்.

மேலும் மம்தா பானர்ஜி, “”நான் அவர்களுக்காக 3 நாட்கள் காத்திருந்தேன். அவர்கள் வந்து தங்கள் பிரச்சனையை கூற வேண்டும்.
உச்ச நீதிமன்றத்தின் தீர்ப்பை அவர்கள் ஏற்காதபோதும், தலைமைச் செயலாளர், உள்துறை செயலாளர், டிஜி மற்றும் எனது உயர் அதிகாரிகளுடன் 3 நாட்கள் காத்திருந்தேன்” என்றார்.

இதையும் படிங்க : அரவிந்த் கெஜ்ரிவாலுக்கு ஜாமின் கிடைக்குமா? உச்ச நீதிமன்றம் நாளை தீர்ப்பு

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்