மகாராஷ்டிராவில் தனித்துப் போட்டி.. கவனம் ஈர்த்த காங்கிரஸ்!

Maharashtra civic body election result: மகாராஷ்டிரா மாநிலத்தில் தனித்துப் போட்டியிட்ட காங்கிரஸ், இன்னும் ஒரு முக்கிய அரசியல் சக்தியாக இருப்பதை நிரூபித்துள்ளது. 2,869 இடங்களில் 528 இடங்களில் மட்டும் போட்டியிட்டாலும், காங்கிரஸ் 226 இடங்களை வென்றுள்ளது.

மகாராஷ்டிராவில் காங்கிரஸ்

BySaranya JK

Published on: January 16, 2026 at 6:22 pm

மும்பை, ஜன.26, 2026: மகாராஷ்டிரா மாநில நகராட்சி தேர்தல் முடிவுகள் பாரதிய ஜனதா கட்சிக்கு (பாஜக) பெரிய ஊக்கமாக அமைந்துள்ளன. 25 ஆண்டுகளுக்குப் பிறகு மும்பை கோட்டையை சிவசேனாவிடமிருந்து கைப்பற்றிய பாஜக, மாநில அரசியலில் தனது வலிமையை மீண்டும் நிரூபித்துள்ளது.

இந்நிலையில், காங்கிரஸுக்கும் சில நல்ல செய்திகள் வந்துள்ளன. தனியாக போட்டியிட்ட காங்கிரஸ், மும்பையில் பெரிதாக முன்னேற்றம் காணவில்லை என்றாலும், மாநிலத்தின் பிற பகுதிகளில் தக்க வலிமையை வெளிப்படுத்தியது.

மொத்தம் 2,869 இடங்களில், காங்கிரஸ் 528 இடங்களில் மட்டும் போட்டியிட்டது. அதில் 226 இடங்களை வென்றது. மும்பையில் 167 இடங்களில் போட்டியிட்டு, 10 இடங்களை வென்றது.
மும்பையில் நான்காவது இடத்தில் இருந்தாலும், மாநிலம் முழுவதும் நடந்த 29 நகராட்சி தேர்தல்களில் மூன்றாவது பெரிய கட்சியாகத் திகழ்ந்தது.

சிவசேனா (UBT) மற்றும் மன்சே (MNS) இணைந்து பாலாசாகேப் தாக்கரேயின் மரபை முன்னிறுத்த முயன்றும், எதிர்பார்த்த ஆதரவைப் பெறவில்லை. அதேபோல், இரண்டு பிரிவுகளாகப் பிளவுபட்ட என்.சி.பி. (NCP) கூட புனே, பிம்ப்ரி-சின்ச்வாட் பகுதிகளில் தங்கள் ஆதிக்கத்தை நிலைநிறுத்த முடியவில்லை.

இதனால், தனியாக போட்டியிட்ட காங்கிரஸ், இன்னும் மாநில அரசியலில் ஒரு முக்கிய சக்தியாக இருப்பதை இந்த தேர்தல் முடிவுகள் காட்டுகின்றன என்பது குறிப்பிடத்தக்கது.

இதையும் படிங்க: Maharashtra elections result: பாரதிய ஜனதா முன்னிலை!