டெல்லியில் இடியுடன் கூடிய கனமழைக்கு வாய்ப்பு; இங்கெல்லாம் மஞ்சள் அலெர்ட்!

IMD Warns Of Heavy Rainfall: டெல்லியில் இடியுடன் கூடிய கனமழைக்கு வாய்ப்பு இருப்பதாக இந்திய வானிலை ஆய்வு மையம் தெரிவித்துள்ளது. மேலும், சில இடங்களுக்கு மஞ்சள் எச்சரிக்கை விடுக்கப்பட்டுள்ளது.

டெல்லியில் கனமழைக்கு வாய்ப்பு

IMD Warns Of Heavy Rainfall Thunderstorms In Delhi

BySaranya JK

Published on: June 23, 2025 at 10:14 am

புதுடெல்லி, ஜூன் 23 2025: டெல்லி, குர்கான் மற்றும் ஃபரிதாபாத் ஆகிய பகுதிகளுக்கு இந்திய வானிலை ஆய்வு மையம் (IMD) இன்று (திங்கள்கிழமை) மஞ்சள் எச்சரிக்கை விடுத்துள்ளது. அதில், இடியுடன் கூடிய கனமழை அல்லது பலத்த காற்றுடன் கூடிய கனமழை பெய்யும் என்று எச்சரிக்கை விடுக்கப்பட்டுள்ளது.

வானிலை ஆய்வு மையத்தின் கூற்றுப்படி, தேசிய தலைநகரில் நாள் முழுவதும் லேசானது முதல் மிதமான மழை பெய்யும் என்றும், காற்றின் வேகம் மணிக்கு 30–40 கி.மீ. ஆக இருக்கலாம் என்றும் எதிர்பார்க்கப்படுகிறது.
மேலும், ஜூன் 24 மற்றும் 25 ஆகிய தேதிகளில் இதே போன்ற நிலை நீடிக்கும் என்று வானிலைத் துறை கணித்துள்ளது. இதில், ஜூன் 24, 2025 செவ்வாய்க்கிழமையை பொறுத்தவரை டெல்லி முழுவதும் பல சுற்று மழை பெய்யும் என்று முன்னறிவிப்பு தெரிவிக்கிறது.

இது தொடர்பாக இந்திய வானிலை ஆய்வு மையம் வெளியிட்டுள்ள அறிக்கையில், “காலை நேரங்களில் – லேசானது முதல் மிதமான மழை, இடியுடன் கூடிய மழை மின்னல் மற்றும் பலத்த காற்றுடன் (மணிக்கு 30–40 கி.மீ) இருக்கும்” எனத் தெரிவிக்கப்பட்டுள்ளது.

டெல்லி பருவமழை

டெல்லி மற்றும் அதைச் சுற்றியுள்ள பகுதிகளில் பருவமழை விரைவில், அதாவது ஜூன் 24 ஆம் தேதிக்குள் தொடங்கும் என்று ஐஎம்டி தெரிவிக்கிறது.
இது நடந்தால், ஜூன் 16 ஆம் தேதி மழை தொடங்கிய 2013 ஆம் ஆண்டுக்குப் பிறகு டெல்லியில் பருவமழை ஆரம்பமாகத் தொடங்கும்.

தென்மேற்கு பருவமழை அடுத்த இரண்டு நாட்களில் டெல்லி, சண்டிகர் மற்றும் ஹரியானாவின் சில பகுதிகள், மேற்கு உத்தரப் பிரதேசம், பஞ்சாப் மற்றும் ஜம்மு-காஷ்மீரை அடைய வாய்ப்புள்ளது என்பது குறிப்பிடத்தக்கது.

இதையும் படிங்க : பஹல்காம் தாக்குதல் பயங்கரவாதிகளுக்கு அடைக்கலம்.. இருவர் கைது.. யார் இவர்கள்? பரபரப்பு தகவல்!