கணவன் அல்ல ‘monster’.. 27 வயது பெண் போலீஸ் கொடூரக் கொலை!

Delhi SWAT cop Kajal Chaudhary Dead: டெல்லி ஸ்வாடு கமாண்டர் பெண் போலீஸ் காஜல் சௌதாரி மரணத்தில் பல திடுக்கிடும் தகவல்கள் வெளியாகி வருகின்றன.

பெண் போலீஸ் காஜல் சௌதாரி

Delhi SWAT cop Kajal Chaudhary Dead case in tamil

ByAkila Ramakrishnan

Published on: January 31, 2026 at 3:43 pm

புதுடெல்லி, ஜன.30, 2026: தலையில் பலத்த காயம்; மூளைச்சாவு என கொடூர ரணங்களுக்கு மத்தியில் தனது இன்னுயிரை இழந்துள்ளார் 27 வயதான டெல்லி ஸ்வாடு கமாண்டர் காஜல் சௌதாரி.
டெல்லி ஸ்வாடு கமாண்டரான சௌதாரிக்கு, 2023 நவம்பர் மாதம் அங்கூர் என்ற இளைஞருடன் திருமணம் ஆனது.

இத்திருமணத்தின் போது அவருக்கு வரதட்சணையாக ரூ.20 லட்சம் வரை செலவிடப்பட்டுள்ளது. புல்லட் பைக், தங்க நகை மற்றும் ரொக்கம் உள்ளிட்டவை வழங்கப்பட்டுள்ளது.
இதற்கிடையில், கூடுதல் வரதட்சணை கேட்டு அங்கூர் குடும்பத்தினர் காஜலை கொடுமைப்படுத்தி வந்துள்ளனர். இந்த நிலையில், காஜலை அவரது கணவர் அங்கூர் அடித்து துன்புறுத்தியதாக கூறப்படுகிறது.

இதில் பலத்த காயம் அடைந்த காஜல், 20226 ஜனவரி 27ஆம் தேதி மூளைச்சாவு ஏற்பட்டு உயிரிழந்தார். அவரது தலை மற்றும் உடலின் பல்வேறு இடங்களில் காயங்கள் இருந்துள்ளன.
தனது சகோதரி காஜலின் மரணத்துக்கு அவரது கணவர் அங்கூர் தான் காரணம் என அவரின் சகோதரர் நிகில் தெரிவித்துள்ளார். தனது சகோதரியை அடித்து துன்புறுத்திய போது, அவர் என்னுடன் ஆடியோ காலில் பேசிக் கொண்டிருந்தார். போன் துண்டிக்கப்படும் முன்னரே தனது சகோதரி கொடும் தாக்குதலுக்கு உள்ளாக்கப்பட்டார்; இந்த மரணத்துக்கு நீதி வேண்டும் எனவும் அவர் கோரிக்கை விடுத்துள்ளார்.

இதையும் படிங்க: முறிந்து விழுந்த விமான சிறகு.. அஜித் பவர் மரணத்தில் ஒளிந்திருக்கும் மூன்று காரணம்.. முழுமையான அலசல்!