மேற்கு வங்கத்தில் குடியரசுத் தலைவர் திட்டமிட்டு அவமதிப்பு.. காட்டாட்சிக்கு முடிவு கட்டும் நேரம்.. பாஜக!

C R Kesavan : மேற்கு வங்காளத்தில் மம்தா பானர்ஜி தலைமையிலான காட்டாட்சிக்கு, முடிவு கட்டும் நேரம் இது என பாரதிய ஜனதா கட்சியின் தேசிய செய்தி தொடர்பாளர் சி.ஆர் கேசவன் கூறினார்.

மம்தா பானர்ஜி, சி.ஆர் கேசவன்

ByPushpa Gopinath

Published on: March 8, 2026 at 4:46 pm

புதுடெல்லி மார்ச் 8, 2026; மேற்கு வங்கத்தில் நடைபெற்ற ஜனாதிபதி முர்மு அவர்களின் நிகழ்வில் ஏற்பட்ட தவறுகள் குறித்து, பாஜக தேசிய பேச்சாளர் சி.ஆர். கேசவன் (@crkesavan) கூறியதாவது:

“டிஎம்சி-யின் ‘ஜங்கிள் ராஜ்’ ஆட்சி, இந்திய ஜனாதிபதியை திட்டமிட்டு அவமதித்து, வெளிப்படையாக அவமரியாதை செய்துள்ளது. நமது அரசியல் ஜனநாயகத்தில் நிலைநிறுத்தப்பட்டுள்ள நடைமுறை, ஒழுக்கம், மரியாதை ஆகியவற்றை முற்றிலும் மீறியுள்ளது. அதைவிட அதிர்ச்சியளிப்பது, காங்கிரஸ், திமுக மற்றும் பிற எதிர்க்கட்சிகளின் குரல் இல்லாத மௌனம் ஆகும். மம்தா பானர்ஜியின் டிஎம்சி செய்த இந்த அவமரியாதை மன்னிக்க முடியாதது, ஏற்றுக்கொள்ள முடியாதது, மிகவும் கண்டிக்கத்தக்கது.

VIDEO | Delhi: On lapses at President Murmu's event in West Bengal, BJP National Spokesperson CR Kesavan (@crkesavan) says, "TMC's Jungle Raj regime has deliberately disrespected and brazenly insulted our President of India and completely violated the cherished principles of… pic.twitter.com/C8ZPBoy2J6
— Press Trust of India (@PTI_News) March 8, 2026

இப்போது, டிஎம்சி அரசு மற்றும் மம்தா பானர்ஜி, இந்திய ஜனாதிபதி, பழங்குடியினர் சமூகமும், இந்த நாட்டின் மக்களிடமும் மன்னிப்பு கேட்க வேண்டிய நேரம் வந்துவிட்டது. ஜனாதிபதியை அவமதித்து, பழங்குடியினர் சமூகத்தின் கண்ணியத்தை தாழ்த்த முயன்றதோடு, உயர்ந்த அரசியல் பதவிகளுக்கு மரியாதை காட்டாத இந்த செயல் கண்டிக்கத்தக்கது.” என்று தெரிவித்துள்ளார்.

இதையும் படிங்க : பத்திரிக்கையாளர் கொலை.. பிரபல சாமியார் விடுவிப்பு..!