எண்ணெய்யும் நீரும் போல.. காங்கிரஸ், ஆர்.ஜே.டி பொருத்தமில்லா கூட்டணி.. பிரதமர் நரேந்திர மோடி

Bihar Assembly Election: பீகாரில் ராஷ்ட்ரீய ஜனதா தளம், காங்கிரஸ் இடையே பொருத்தமில்லாத கூட்டணி அமைக்கப்பட்டுள்ளது என பிரதமர் நரேந்திர மோடி கூறினார்.

பிரதமர் நரேந்திர மோடி

BySaranya JK

Published on: October 30, 2025 at 3:47 pm

பாட்னா, அக்.30, 2025: பீகார் மாநிலம் முசாஃபர்பூரில் நடந்த பொதுக்கூட்டத்தில் பேசிய பிரதமர் நரேந்திர மோடி, “ராஷ்ட்ரீய ஜனதா தளம் ஆட்சிக் காலத்தில் 5 கே (K) முன்னணியில் இருந்தது என்றார். இவர்கள் ஆட்சிக்காலத்தில் பீகாரில் காட்டாட்சி நடைபெற்றது.
இதற்கு அடையாளமாக இந்த 5 கே காணப்பட்டன என்றார். அவை, கட்டா- katta (நாட்டுத் துப்பாக்கி), கூர்டா Kroorta (கொடுமை), கட்டுடா Katuta (அநீதி), குஷசன் Kushasan (மோசமான அரசு நிர்வாகம்) மற்றும் ஊழல் என்றார்.

சாத் பூஜை அவமதிப்பு

மேலும், இந்துக்களின் புனித பண்டிகையான சாத் பூஜையை காங்கிரஸ் ஆர்.ஜே.டி. கூட்டணி அவமதித்து விட்டது என்றும் பிரதமர் நரேந்திர மோடி குற்றஞ்சாட்டினார். தொடர்ந்து, இந்தப் பூஜைக்கு யுனெஸ்கோ அங்கீகாரம் கிடைக்க எனது அரசாங்கம் உழைத்து வருகிறது என்றும் தெரிவித்தார்.

காங்கிரஸ், ஆர்.ஜே.டி கூட்டணி

தொடர்ந்து, காங்கிரஸ், ஆர்.ஜே.டி கூட்டணி பொருத்தமில்லாத கூட்டணி என விமர்சித்த பிரதமர் நரேந்திர மோடி, இருவரும் தண்ணீரும், எண்ணெய்யும் போன்றவர்கள். இருவரும் கூட்டணி என்ற பெயரில் ஓட்டமாட்டார்கள் என்றார்.
இதையடுத்து, தேசிய ஜனநாயக கூட்டணி தொண்டர்கள் நாட்டின் பாரம்பரியம் மற்றும் கலாசாரத்தை பறைசாற்ற பணியாற்றி வருகின்றனர். இவர்கள் நாட்டின் வளர்ச்சியை நோக்கி பயணிக்கின்றனர். ஆனால், ஆர்.ஜே.டி மற்றும் காங்கிரஸ் வன்முறை மற்றும் ஊழல் பற்றி சிலாகிக்கின்றனர் என்றார்.

40 ஆயிரம் பேர் கடத்தல்

மேலும், ஆர்.ஜே.டி ஆட்சிக் காலத்தில் பீகாரில் 35 ஆயிரம் முதல் 40 ஆயிரம் வரை கடத்தல் சம்பவங்கள் நடைபெற்றன. குண்டர்கள் ஷோரூக்குள் புகுந்து திருடினார்கள். இப்போது கூட பாருங்கள் அவர்களின் தேர்தல் பரப்புரை பாடல் கூட கட்டா (நாட்டுத் துப்பாக்கி) பற்றி பேசுகிறது என்றார்.

பீகார் சட்டமன்ற தேர்தல்

பீகார் சட்டமன்ற தேர்தல் 243 தொகுதிகளுக்கும் இரண்டு கட்டங்களாக நடைபெறுகிறது. இந்த தேர்தலில் அரசியல் புதிய கட்சியான பிரசாந்த் கிஷோரின் ஜன் சுரக்ஷா கட்சியும் களம் காண்கிறது.

எம்.எல்.ஏ.க்கள் பலம்
பீகாரில் கட்சி வாரியாக எம்.எல்.ஏ.க்கள் பலத்தை பார்க்கலாம்.

வ.எண்	கட்சி	எம்.எல்.ஏ.க்கள் பலம்
01	பா.ஜ.க	78
02	ஐக்கிய ஜனதா தளம்	45
03	என்.டி.ஏ. கூட்டணி	09
04	ஆர்.ஜே.டி	75
05	காங்கிரஸ்	19
06	சி.பி.ஐ (எம்.எல்)-எல்	12
07	இந்திய கம்யூனிஸ்ட்	02
08	மார்க்சிஸ்ட் கம்யூனிஸ்ட்	02
09	ஏ.ஐ.எம்.ஐ.எம்	01