கர்னல் குரேஷி அவமதிப்பு.. பா.ஜ.க அமைச்சர் மீது காங்கிரஸ் புகார்!

Assam Cong files police complaint: ஆபரேஷன் சிந்தூர் கர்னல் சோபியா குரேஷி அவமதிக்கப்பட்ட விவகாரத்தில் பாரதிய ஜனதா கட்சியின் அமைச்சர் மீது காங்கிரஸ் தரப்பில் புகார் அளிக்கப்பட்டுள்ளது.

பா.ஜ.க அமைச்சர் விஜய் ஷா

Assam Cong files police complaint against Madhya Pradesh minister

BySaranya JK

Published on: May 16, 2025 at 9:40 pm

கௌகாத்தி மே 16 2025: அஸ்ஸாம் காங்கிரஸ் சார்பில் அம்மாநில போலீசில் புகார் ஒன்று அளிக்கப்பட்டுள்ளது. அந்தப் புகாரில், கர்னல் சோபியா குரேஷியை அவமதிக்கும் வகையில் பேசிய பாஜக எம்எல்ஏவும் மத்தியப் பிரதேச அமைச்சருமான விஜய் ஷா மீது நடவடிக்கை எடுக்க வேண்டும் எனத் தெரிவிக்கப்பட்டுள்ளது. இந்தப் புகார் அஸ்ஸாம் மாநிலம் திஸ்பூர் காவல் நிலையத்தில் புகார் அளிக்கப்பட்டுள்ளது. புகாரை அஸ்ஸாம் மாநில காங்கிரஸ் கட்சியின் குடிமை மற்றும் சமூக நலப் பிரிவு அளித்துள்ளது.

மேலும் புகாரில் ஷாவின் கருத்துக்கள் “மக்களின் உணர்வுகளைப் புண்படுத்தியது மட்டுமல்லாமல், நாட்டையே கோபப்படுத்தியது” எனத் தெரிவிக்கப்பட்டுள்ளது. முன்னதாக, ‘ஆபரேஷன் சிந்தூர்’ குறித்து ஊடகங்களுக்கு விளக்கமளித்த கர்னல் சோபியா குரேஷியை அவமதிக்கும் வகையில் பேசியதாக பா.ஜ.க அமைச்சர் மீது புகார்கள் எழுந்தன. இந்த நிலையில் அவர் மீது புகார் அளிக்கப்பட்டுள்ளது.

ஆபரேஷன் சிந்தூர்

பாகிஸ்தான் பயங்கரவாதிகள் ஜம்மு காஷ்மீர் பஹல்காமில் சுற்றுலாப் பயணிகள் மீது ஈவு இரக்கமற்ற கொடூரத்தனமான தாக்குதல் நடத்தினார்கள். துப்பாக்கியால் சுட்டு தாக்குதல் நடத்தியதில் உள்ளூரை சேர்ந்த ஒருவர் உள்பட 26 பேர் சுட்டுக் கொல்லப்பட்டுள்ளனர். இதற்கு பதிலடியாக இந்தியா தரப்பில் ஆபரேஷன் சிந்தூர் தொடங்கப்பட்டது. இதில் 100 பயங்கரவாதிகள் மற்றும் 40 இராணுவ வீரர்கள் கொல்லப்பட்டதாக தெரிவிக்கப்பட்டுள்ளது.

இதையும் படிங்க : ஆபரேஷன் சிந்தூர் பெயரிட்டவர் யார் தெரியுமா? ராஜ்நாத் சிங் சொன்ன தகவல்!