ஹோட்டல் சுவையில் மீன் வறுவல் இப்படி செய்து பாருங்க; சுவை அள்ளும்!

How to make meen varuval | ஹோட்டல் சுவையில் மீன் வறுவல் எப்படி செய்ய வேண்டும் என்று தெரியுமா?

மீன் வறுவல்

ByDravidan Times Bureau

Published on: November 17, 2024 at 11:31 am

How to make meen varuval | குழந்தைகள் முதல் பெரியவர்கள் வரை அனைவரும் விரும்பி உண்ணக்கூடிய உணவு வகைகளில் ஒன்று மீன் வறுவல். இந்த சுவையான மீன் வறுவலை மசாலா உதிராமல் ஹோட்டல் சுவையில் எப்படி செய்யலாம் என்று பார்க்கலாம்.

தேவையான பொருட்கள்

மீன் – 1/4 கிலோ
இஞ்சி பூண்டு விழுது -1 டேபிள்ஸ்பூன்
மிளகாய் தூள் – 1 1/2 டேபிள் ஸ்பூன் (காரத்திற்கு ஏற்ப சேர்க்கவும் )
மல்லி தூள் -1 டீஸ்பூன்
சீரகத்தூள் -1/2 டீஸ்பூன்
மிளகுத்தூள் -1/2 டீஸ்பூன்
மஞ்சள் தூள் -1/4 டீஸ்பூன்
எண்ணெய் – டேபிள்ஸ்பூன்
கான்ஃப்ளார் – 1/4 கப்
தண்ணீர் – சிறிதளவு
எலுமிச்சை சாறு – 1 டீஸ்பூன்
உப்பு – தேவையான அளவு

செய்முறை

ஒரு பாத்திரத்தில் இஞ்சி பூண்டு விழுது, மிளகாய் தூள் சேர்க்க வேண்டும். மிளகாய் தூள் காரத்திற்கு ஏற்ப அதிகமாகவோ அல்லது குறைவாகவோ சேர்த்துக் கொள்ளவும். இதனுடன் மல்லித்தூள், சீரகத்தூள், மிளகு தூள், எண்ணெய், கான்பிளார், எலுமிச்சை சாறு மற்றும் தேவையான அளவு உப்பு சேர்த்து நன்கு கலந்து விட வேண்டும். பின்னர் தேவைக்கேற்ப சிறிதளவு தண்ணீர் சேர்த்து கலந்து விட வேண்டும்.

இந்த கலவை பேஸ்ட் பதத்தில் இருக்க வேண்டும். நன்கு கழுவி சுத்தம் செய்து வைத்த மீன் துண்டுகள் மீது தயார் செய்து வைத்த மசாலா பேஸ்ட்டினை நன்கு படும்படி தடவி எடுத்துக் கொள்ள வேண்டும். இதேபோன்று எல்லா மீன்கள் மீதும் மசாலா பேஸ்ட் தடவி எடுத்துக் கொள்ளவும். மீன் வறுவல் செய்வதற்கு எந்த வகையான மீன்களையும் எடுத்துக் கொள்ளலாம்.

பின்னர் மசாலா தடவிய மீன்கள் சிறிது நேரம் ஊறிய பின் ஒரு கடாயில் எண்ணெய் சேர்த்து எண்ணெய் காய்ந்ததும் அதில் மீன்களை சேர்க்க வேண்டும். மீன்கள் மூன்று நிமிடங்களில் ஒரு பக்கம் வெந்துவிடும். அடுத்த மூன்று நிமிடத்தில் மறு பக்கம் வேகவிடவும். மீன்கள் வெந்ததும் வேறு பாத்திரத்தில் மாற்றவும். இப்போது மசாலா உதிராமல் சுவையான மீன் வறுவல் தயார்.

இதையும் படிங்க : ஒரு கரண்டி நல்லெண்ணெய்; கொஞ்சமா கொத்தமல்லி: மீன் குழம்ப இப்படி பண்ணுங்க