இதோ ஏழே நிமிடத்தில் லெக் பீஸ் ரெடி: செஃப் தாமு ஸ்டைலில் இப்படி பண்ணுங்க!

How to Make Masala Roast Chicken | சிக்கன் பிரியர்கள் விரும்பி உண்ணக்கூடிய காரசாரமான மசாலா ரோஸ்ட் சிக்கன் செஃப் தாமு ஸ்டைலில் எப்படி செய்யலாம் என்று பார்க்கலாம்

தேவையான பொருள்கள்

சிக்கன் – லெக் பீஸ் 4
இடித்த சின்ன வெங்காயம் -ஒரு கை அளவு
பூண்டு -4 பல்லு
காஷ்மீர் மிளகாய்த்தூள் -2 டீஸ்பூன்
குழம்பு மிளகாய் தூள் -3 டீஸ்பூன்
மிளகுத்தூள் -2 டீஸ்பூன்
தனியா தூள் -4 டீஸ்பூன்
மஞ்சள் தூள் -1/2டீஸ்பூன்
உப்பு – தேவையான அளவு
நல்லெண்ணெய் -4 டேபிள் ஸ்பூன்
எலுமிச்சை சாறு- சிறிதளவு
கருவேப்பிலை – சிறிதளவு

செய்முறை

முதலில் ஒரு பாத்திரத்தில் காஷ்மீர் மிளகாய் தூள், குழம்பு மிளகாய்த்தூள், மிளகுத்தூள், தனியா தூள், தேவையான அளவு உப்பு, சிறிது கருவேப்பிலை, எலுமிச்சைச்சாறு, இடித்து வைத்த வெங்காயம், பூண்டு மற்றும் நல்லெண்ணெய் சேர்த்து நன்கு கலந்து விட வேண்டும். பின்னர் இந்த கலவையுடன் சிறிதளவு தண்ணீர் சேர்த்து மசாலா தயார் செய்து கொள்ள வேண்டும்.

இந்த மசாலா பேஸ்ட்டை நன்கு கழுவி சுத்தம் செய்யப்பட்ட சிக்கன் லெக் பீஸ் மீது கீறல் விட்டு தடவி எடுத்துக் கொள்ள வேண்டும். லெக் பீஸ் மீது கீறல் விட்டு மசாலா பேஸ்ட் தடவும் பொழுது மசாலா சிக்கன் முழுவதும் பரவி இருக்கும். இதை பத்து நிமிடம் ஊற வைக்க வேண்டும். ஒரு பாத்திரத்தில் தேவையான அளவு நல்லெண்ணெய் எடுத்துக்கொண்டு எண்ணெய் காய்ந்ததும் இதனுடன் கருவேப்பிலை, பூண்டு, வெங்காயம் மற்றும் சிக்கன் துண்டுகள் மற்றும் சிக்கன் மீது சிறிது மிளகுத்தூள் சேர்த்து வறுக்க வேண்டும்.

சிக்கன் ஒரு பக்கம் வேக மூன்றரை நிமிடம் எடுக்கும். சிக்கன் வெந்ததும் பிரட்டி போட்டு அதன் மீது கொத்தமல்லி, கருவேப்பிலை மற்றும் சிறிது மிளகுத்தூள் சேர்த்து மீண்டும் மூன்றரை நிமிடம் வேக விட வேண்டும். சிக்கன் வெந்ததும் வேறொரு பாத்திரத்தில் மாற்றி அதன் மீது சிறிது கொத்தமல்லி இலைகளை தூவி பரிமாறலாம். இப்பொழுது சுவையான மசாலா ரோஸ்ட் சிக்கன் ரெடி.

இதையும் படிங்க : நாவூரும், ருசி அள்ளும்: 1 கிலோ மீனில் சுவையான குழம்பு செய்வது எப்படி?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்