இளம் பெண்ணுடன், நடிகர் கோவிந்தா டேட்டிங்.. சுனிதா ஆஹுஜா

Sunita Ahuja : இளம் பெண்ணிடம் டேட்டிங் சுனிதா ஆஹுஜா, நடிகர் கோவிந்தா குறித்து அதிர்ச்சிகரமான தகவலை வெளியிட்டுள்ளார்.

மனைவி சுனிதா ஆஹுஜா நடிகர் கோவிந்தா

ByAkila Ramakrishnan

Published on: January 19, 2026 at 3:15 pm

மும்பை ஜனவரி 19, 2026;சுனிதா ஆஹுஜா, நடிகர் கோவிந்தா குறித்து அதிர்ச்சிகரமான தகவலை வெளியிட்டுள்ளார். அதாவது, கோவிந்தா ஒரு புதிய நடிகையுடன் தொடர்பில் இருப்பதாகவும், அந்த பெண் அவரை பணம் கேட்டு மிரட்டுவதாக குற்றம் சாட்டினார்.

தொடர்ந்து, “இது உறுதியாக நிரூபிக்கப்பட்டால், நான் கோவிந்தாவை ஒருபோதும் மன்னிக்க மாட்டேன்” எனவும் அவரது மனைவி சுனிதா ஆஹுஜா தெரிவித்துள்ளார். மேலும், கோவிந்தா தனது மகனின் திரைப்பட வாழ்க்கைக்கு உதவவில்லை என்றும் அவர் வலியுறுத்தினார்.
MissMalini-க்கு அளித்த பேட்டியில், சுனிதா ஆஹுஜா 2025-ஐ தனது வாழ்க்கையில் பேரழிவான ஆண்டாக குறிப்பிட்டார்.

அப்போது, 2025 எனக்கு ஒரு பேரழிவு. என் குடும்ப வாழ்க்கை சீர்குலைந்தது. கோவிந்தா குறித்து பல விஷயங்களை நான் கேட்டு வந்தேன். அவை எனக்கு மகிழ்ச்சியளிக்கவில்லை. சில விஷயங்களைச் செய்ய ஒரு வயது இருக்கிறது.
ஆனால் 63 வயதில் இவ்வாறான விஷயங்களை கேட்பது நல்லதல்ல, குறிப்பாக உங்கள் குழந்தைகள் வளர்ந்துவிட்டபோது. 2026-இல், பகவான் கோவிந்தாவுக்கு நல்ல புத்தி தர வேண்டும் என்று நான் விரும்புகிறேன்.

குடும்பம் என்பது குடும்பம் தான். நீங்கள் பிரச்சினையில் இருக்கும்போது யாரும் உங்களுடன் நிற்க மாட்டார்கள். அவர்கள் பணத்திற்காக மட்டுமே இருப்பார்கள். நீங்கள் பணம் கொடுப்பதை நிறுத்தினால், அவர்கள் விலகிச் செல்வார்கள்.” என சுனிதா ஆஹுஜா தெரிவித்துள்ளார்.

சுனிதா – கோவிந்தா காதல் நினைவுகள்

சுனிதா கூறியதாவது, தாம் 9ஆம் வகுப்பில் படித்துக் கொண்டிருந்தபோது, கோவிந்தா தனது B.Com இறுதி ஆண்டில் இருந்தார். அப்போது இருவரும் காதலில் விழுந்தனர்.
இந்நிலையில், தாம் செல்வம் நிறைந்த குடும்பத்தைச் சேர்ந்தவராக இருந்தபோதிலும், திரைப்பட உலகில் பெயர் பெற போராடிக் கொண்டிருந்த கோவிந்தாவைத் திருமணம் செய்யத் தீர்மானித்ததாகவும் நினைவுகூர்ந்தார்.

இதையும் படிங்க; நல்ல பெண்கள் வரலாறு படைப்பதில்லை.. பிரியங்கா சோப்ரா