ராம் சரணின் பெத்தி எப்படி? திரை விமர்சனம்

Peddi movie review : நடிகர் ராம் சரணின் பெத்தி படம் ரசிகர்கள் மத்தியில் நல்ல வரவேற்பை பெற்றுள்ளது.

பெத்தி படத்தில் ராம் சரண்

ByThilahavathy P

Published on: June 4, 2026 at 3:03 pm

ஹைதராபாத், ஜூன் 4, 2026: நடிகர் ராம் சரணின் ‘பெத்தி’ திரைப்படம் ஒரு வலுவான வரவேற்பை கண்டுள்ளது. அதேநேரம், சீரற்ற விளையாட்டு படம் என விமர்சகர்களால் மதிப்பிடப்பட்டுள்ளது.

இந்தப் படத்தின் இயக்குநர் புச்சி பாபு சனா சமூக அடையாளம் மற்றும் புறக்கணிக்கப்பட்ட கிராமங்களின் போராட்டத்தை விளையாட்டு கதையுடன் இணைத்துள்ளார். ராம் சரண் தனது நடிப்பால் படத்தை தாங்கியுள்ளார் என்றே விமர்சனங்கள் கூறுகின்றன.

மேலும், இந்தப் படம் படம் ஆந்திரப் பிரதேசம், விஜயநகரம் என்ற கிராமத்தை மையமாகக் கொண்டு உருவாக்கப்பட்டுள்ளது. படத்தில், பெத்தி (ராம் சரண்) பல்வேறு விளையாட்டுகளில் திறமையானவர்; கிரிக்கெட், மல்யுத்தம், ஓட்டம் ஆகியவற்றில் அவர் தன்னை நிரூபிக்கிறார்.

மேலும், இப்படத்தின் கதை கதை 2016-இல் தொடங்கி, ஒலிம்பிக் தோல்விக்குப் பிறகு திறமைகளை தேடும் முயற்சியில் ஒரு அதிகாரி பெத்தி-யின் வாழ்க்கையை அறிந்து கொள்வது மூலம் விரிகிறது. இப்படத்தில் ராம் சரண் தனது உடல் மாற்றம், உணர்ச்சி பூர்வமான நடிப்பு, மற்றும் பல்வேறு விளையாட்டு காட்சிகளில் நம்பகத்தன்மையுடன் நடித்துள்ளார்.

சமூக அடையாளம், புறக்கணிப்பு, மற்றும் கிராம மக்கள் போராட்டம் போன்ற முக்கியமான கருப்பொருள்களை படம் வெளிப்படுத்துகிறது. இதற்கிடையில், சினிமாடோகிராபி மற்றும் இசை படத்தின் உணர்ச்சியை உயர்த்துகிறது.

எனினும், படம் 189 நிமிடங்கள் நீளமாக இருப்பதால், பல இடங்களில் சீரற்றதாகவும், மெதுவாகவும் தோன்றுகிறது. ஜான்வி கபூர் நடித்த கதாபாத்திரம் குறைவான முக்கியத்துவம் பெற்றதாக விமர்சிக்கப்பட்டுள்ளது. சில காட்சிகள் மெலோடிராமா மற்றும் திரைக்கதை குறைபாடுகள் காரணமாக தாக்கத்தை இழக்கின்றன.

இதையும் படிங்க : ரூ.3,000 கோடி வசூலித்த துரந்தர்.. பரபரப்பு தகவல்கள்!