நான் யாரையும் விமர்சிக்கவில்லை; வதந்திகளை நம்ப வேண்டாம்.. பாகிஸ்தான் நடிகை

Pakistani actress Hania Aamir: தாம் யாரையும் விமர்சித்து பதிவிடவில்லை; வதந்திகளை நம்ப வேண்டாம் என பாகிஸ்தான் நாட்டைச் சேர்ந்த நடிகை ஹனியா ஆமீர் விளக்கமளித்துள்ளார்.

ByAkila Ramakrishnan

Published on: May 4, 2025 at 4:45 pm

சென்னை மே 4 2025: பாகிஸ்தான் நாட்டைச் சேர்ந்த நடிகை ஹனியா ஆமீர், சமூக வலைதளங்களில் பிரபலமாக இருந்து வரும் நடிகை ஆவார். ஜம்மு காஷ்மீர் மாநிலம் பகல்கம் பயங்கரவாத தாக்குதலைத் தொடர்ந்து, இவரது சமூக வலைதள கணக்கு இந்தியாவில் தடை செய்யப்பட்டது.

இந்த நிலையில் அண்மையில் வீடியோ ஒன்று காட்டுத் தீ போல் வேகமாக பரவியது. அந்த வீடியோவில் நடிகை ஹனியா ஆமீர், ” யாரோ ஒரு சில பயங்கரவாதிகள் செய்த தவறுக்கு நாங்கள் பலிகிட ஆக்கப்பட்டுள்ளோம்; எங்களது சமூக வலைதள கணக்குகளை மத்திய அரசு முடக்கியது நியாயம் இல்லை.

எங்களது சமூக வலைதள கணக்குகள் முடக்கம் நீக்கப்பட வேண்டும்” எனக் கூறியதாக தகவல்கள் பரவின. பாகிஸ்தான் நடிகை ஹனியா ஆமீரின் இந்த வீடியோ சமூக வலைதளங்களில் வேகமாக பரவிய நிலையில் இதற்கு எதிர்ப்புகள் கிளம்பின.

பயங்கரவாதிகள் ஒரு நாட்டுக்குள் புகுந்து 26 சுற்றுலா பயணிகளை ஈவு இரக்கமின்றி சுட்டுக் கொண்டுள்ளனர். அந்த பயங்கரவாதிகளுக்கு எதிராக நீங்கள் பேசியது என்ன? உங்களுக்கு பொழுதுபோக்கும் அதன் மூலம் கிடைக்கும் பணமும் தற்போது முக்கியமா? என பலரும் கேள்வி எழுப்பி இருந்தார்கள்.

இந்த நிலையில் பாகிஸ்தான் நடிகை இது தொடர்பாக விளக்கம் ஒன்றை வீடியோவாக வெளியிட்டுள்ளார். அந்த வீடியோவில், ” நான் இது தொடர்பாக எந்த கருத்தும் இதுவரை தெரிவிக்கவில்லை; யாரையும் விமர்சனமும் செய்யவில்லை. என் மீதான வதந்திகளை நம்ப வேண்டாம். மேலும் நான் இதுவரை யாரின் உணர்வுகளோடும் விளையாடியது கிடையாது. என் மீது சந்தேகம் கொள்ளாதீர்கள்” என தெரிவித்துள்ளார்.

இதையும் படிங்க: 42 வயதில் கவர்ச்சி நடனம் ஆட தயாரான ஸ்ரேயா.. சம்பளம் எவ்வளவு தெரியுமா?