சச்சின்! ரீ ரிலீஸ்.. முதல் நாள் வசூல் எவ்வளவு தெரியுமா?

First day collection of Sachin’s re-release: சச்சின் திரைப்படம் ரி ரிலீஸில் முதல் நாள் வசூலாக ரூ.10 கோடிகள் பாக்ஸ் ஆபிஸில் வசூலித்துள்ளதாக சினிட்ராக் தெரிவித்துள்ளது. இது அவரது ரசிகர்கள் மத்தியில் பெரும் மகிழ்ச்சியை கொடுத்துள்ளது.

சச்சின் விஜய், ஜெனிலியா

ByAkila Ramakrishnan

Published on: April 19, 2025 at 4:47 pm

சென்னை, ஏப்.19 2025: இளைய தளபதி விஜய் நடிப்பில் 2005 ஆம் ஆண்டு வெளியான திரைப்படம் சச்சின். இந்தப் படம் ரசிகர்கள் மத்தியில் கலவையான விமர்சனத்தை அப்போது பெற்றிருந்தது. படத்தில் வைகை புயல் வடிவேலுவின் காமெடிகள் ரசிக்கும்படியாக அமைந்தன. படத்தில் விஜய்க்கு ஜோடியாக ஜெனிலியா நடித்திருப்பார். இவர் தவிர நடிகை பிபாஷா பாசு, சில காட்சிகள் நடித்திருப்பார்.

இந்தப் படத்தில் தேவி ஸ்ரீ பிரசாத் மியூசிக்கில் பாடல்கள் ரசிக்கும் படியாக அமைந்தன. படத்தை ஜான் மகேந்திரன் என்பவர் இயக்கியிருப்பார். இந்த படம் வெற்றியைப் பெற்ற நிலையில் 20 ஆண்டுகளுக்குப் பின்னர் மீண்டும் ரீ ரிலீஸ் செய்யப்பட்டுள்ளது. இதற்கான அறிவிப்பை ஏற்கனவே தயாரிப்பாளர் தானு தெரிவித்திருந்தார். இந்த நிலையில் படத்தின் முதல் நாள் வசூல் குறித்த தகவல்கள் தற்போது வெளியாகி உள்ளன.

சச்சின் ரி ரிலீஸ் முதல் நாள் வசூல் என்ன?

இளைய தளபதி விஜயின் சச்சின் ரி ரிலீஸ் தொடர்பான வசூல் நிலவரங்களை சினி ட்ராக் வெளியிட்டுள்ளது. சினிட்ராக் கூற்றுப்படி முதல் நாள் ஈவினிங் காட்சி வரை ரூபாய் 6 கோடி வரை படம் வசூலித்ததாகவும் மொத்தமாக ஒரு தினத்தில் ரூபாய் 10 கோடி வரை வசூலித்ததாக கூறப்பட்டுள்ளது.

சச்சின் படத்தில் பல்வேறு காட்சிகள் தற்போது வரை ரசிக்கும்படியாக அமைந்திருக்கும். இந்தப் படத்தில் நடிகர் விஜய் க்யூட்டாக நடித்திருப்பார் என அவரது ரசிகர்கள் அவ்வப்போது சிலாகித்து பேசுவார்கள். இந்த நிலையில் படம் ரீ ரிலீஸ் ஆகி முதல் நாள் வசூலாக ரூபாய் 10 கோடியை பாக்ஸ் ஆபிஸில் பெற்றிருப்பது அவரது ரசிகர்கள் மத்தியில் உற்சாகத்தை ஏற்படுத்தி உள்ளது.

இதையும் படிங்க: ‘குடும்பஸ்தன்’ படத்தை மிஸ் செய்த சத்யராஜ் மகன்; சினிமா பிளாஷ்பேக்!