கீர்த்தி- மிஷ்கின் படம்.. சத்தியவான் சாவித்திரி.. கதை என்ன?

Sathyavan Savithri : நடிகை கீர்த்தி சுரேஷ்- மிஷ்கின் நடிப்பில் உருவாகியுள்ள படம் சத்தியவான் சாவித்திரி.

கீர்த்தி சுரேஷ்

ByAkila Ramakrishnan

Published on: April 30, 2026 at 5:33 pm

சென்னை, ஏப்.30, 2026: கீர்த்தி சுரேஷ் நடிக்கும் புதிய படம் ‘சத்தியவான் சாவித்திரி’ ஒரு தீவிரமான நீதிமன்றக் கதையாக உருவாகி வருகிறது. இயக்குநர் பிரவீன் எஸ் விஜய் இயக்கும் இப்படத்தில், கீர்த்தியுடன், நடிகரும் இயக்குனருமான மிஸ்கின் முக்கிய கதாபாத்திரத்தில் நடிக்கிறார்.

மேலும், இந்தப் படத்தில் சாருகேஷ், பால சரவணன், ஷில்பா மஞ்சுநாத் உள்ளிட்ட பல நட்சத்திரங்கள் நடித்துள்ளனர். படத்துக்கு சாம் சி எஸ் இசையமைத்துள்ளார்.

அருள் வின்சென்ட் ஒளிப்பதிவு செய்துள்ளார்; எடிடிங் பணிகளை பிரசன்னா ஜி.கே கவனித்துள்ளார். வேடிக்காரன்பட்டி எஸ் சக்திவேல், உமேஷ் குமார் பன்சாலின் டிரம்ஸ்டிக் புரொடக்ஷன்ஸ் அண்ட் ஜி ஸ்டூடியோஸ் படத்தை தயாரித்துள்ளனர்.

படத்தின் கதை என்ன?

படம் நீதிமன்றக் கதையாக உருவாகிறது; கீர்த்தி சுரேஷ் வழக்கறிஞர்களின் கூட்டத்தில் வலிமையான பெண் கதாபாத்திரமாக காட்சியளிக்கிறார்.
மிஸ்கின் ஒரு வழக்கறிஞராக நடிக்கிறார். இதற்கிடையில், கதை, மகாபாரதத்தில் வரும் சாவித்திரி–சத்தியவான் புராணக் கதையிலிருந்து ஈர்க்கப்பட்டதாக கூறப்படுகிறது. அந்தக் கதையில், சாவித்திரி தனது அறிவாற்றலால் யமனை எதிர்கொண்டு, தனது கணவன் சத்தியவானை உயிருடன் மீட்டெடுக்கிறார்.

முன்னதாக நடிகை கீர்த்தி சுரேஷ், மகாநதி படத்தில் நடிகை சாவித்திரியாக நடித்திருந்தார்; இப்போது சத்தியவான் சாவித்திரி படத்தில் மீண்டும் அதே பெயருடன் தொடர்புடைய கதாபாத்திரத்தில் நடிப்பது ரசிகர்களுக்கு சுவாரஸ்யமாக உள்ளது என்பது குறிப்பிடத்தக்கது.

இதையும் படிங்க : பாடகி ஸ்வாகதா பாலியல் புகார்.. யார் அந்த ‘மெட்ராஸ் எப்ஸ்டின்’ தமிழ் இசையமைப்பாளர்?