ஜனநாயகன் டிக்கெட் ரூ.2,000க்கு விற்பனை? புக் மை ஷோவில் டிக்கெட்டுகள் காலி?

Jana Nayagan: நடிகர் விஜய்யின் கடைசியாக படமாக கருதப்படும் ஜனநாயகன் படத்தில் டிக்கெட் விலை ரூ.2 ஆயிரம் வரை விற்கப்படுவதாக தகவல்கள் வெளியாகியுள்ளன.

ஜனநாயகன் படத்தில் விஜய்

ByAkila Ramakrishnan

Published on: January 5, 2026 at 4:02 pm

சென்னை, ஜன.5, 2026: நடிகர் விஜய், தமிழக வெற்றிக் கழகம் என்ற கட்சியை தொடங்கி நடத்தி வருகிறார். இந்நிலையில் அவர் சினிமாவில் இருந்து விலகி, முழு நேரமாக அரசியலில் ஈடுபட உள்ளார். அந்த வகையில் ஜனநாயகன் அவரது கடைசி படமாக பார்க்கப்படுகிறது. இந்தப் படத்தை இயக்குனர் ஹெச். வினோத் டைரக்ட் செய்துள்ளார்.

டிக்கெட் விலை ரூ.2,000?

இந்த நிலையில், ஜனநாயகன் படத்தின் ஒரு டிக்கெட் விலை ரூ.2 ஆயிரம் வரை விற்கப்படுவதாக இந்துஸ்தான் டைம்ஸ் ஆன்லைனில் செய்தி வெளியாகியுள்ளது. அதில், ஜனநாயகன் திரைப்படத்தின் முன்பதிவு கர்நாடகாவில் தொடங்கியுள்ளது. காலை நேர காட்சிகளுக்கான பெரும்பாலான டிக்கெட்டுகள் ஏற்கனவே விற்று முடிந்துவிட்டன.

டிக்கெட்டுகள் ₹1000 முதல் ₹2000 வரை விலை நிர்ணயிக்கப்பட்டு உள்ளன. இந்நிலையில், முகுந்தா திரையரங்கில் வெளியீட்டு நாளன்று காலை 6:30 மணிக்கு சிறப்பு காட்சி ஏற்பாடு செய்யப்பட்டுள்ளது.
அந்தக் காட்சிக்கான டிக்கெட்டுகள் ₹1800 மற்றும் ₹2000 என விலை நிர்ணயிக்கப்பட்டுள்ளன. அனைத்து டிக்கெட்டுகளும் BookMyShow-ல் முழுமையாக விற்று முடிந்துவிட்டன எனத் தெரிவிக்கப்பட்டு உள்ளது.

இதையும் படிங்க : கமல்ஹாசன் தயாரிப்பில் ரஜினிகாந்த்.. வெளியானது புதிய அப்டேட்!