குட் பேட் அக்லி 5ம் நாள் வசூல் என்ன? வெளியான பாக்ஸ் ஆபிஸ் ரிப்போட்!

Good Bad Ugly box office day 5: நடிகர் அஜித் குமாரின், குட் பேட் அக்லியின் உலகளாவிய வசூல் ரூ.150 கோடியைத் தாண்டி, விடாமுயர்ச்சியின் வாழ்நாள் வசூலை (ரூ.135.65 கோடி) முறியடித்துள்ளது.

குட் பேட் அக்லி அஜித் குமார்

Good Bad Ugly box office collection day 5

ByAkila Ramakrishnan

Published on: April 15, 2025 at 8:02 pm

மீண்டும் ஒருமுறை, அஜித் குமார் தன்னைப் போல யாரும் இல்லை என்பதை நிரூபித்துள்ளார். அவரது முந்தைய படமான இயக்குனர் மகிழ் திருமேனியின் விடாமுயர்ச்சியின் ஏமாற்றத்திற்கு இரண்டு மாதங்களுக்குப் பிறகு, அஜித் பாக்ஸ் ஆபிஸில் மிகப்பெரிய வெற்றியைப் பெற்றுள்ளார்.

நடிகர் அஜித் குமாரின், குட் பேட் அக்லியின் உலகளாவிய வசூல் ரூ.150 கோடியைத் தாண்டி, விடாமுயர்ச்சியின் வாழ்நாள் வசூலை (ரூ.135.65 கோடி) தாண்டியுள்ளது. இது அவரது ரசிகர்கள் மத்தியில் பெரும் வரவேற்பை பெற்றுள்ளது.

குட் பேட் அக்லி படத்தின் ஐந்தாவது நாள் வசூலில் 34.71 சதவீதம் சரிவு ஏற்பட்டாலும், ஞாயிற்றுக்கிழமை (ஏப்.15 2025) வசூலான ரூ.22.3 கோடியுடன் ஒப்பிடும்போது, வசூல் அதிகரித்து காணப்படுகிறது. அஜித் குமார் படத்திற்கு இதுவே முதல் திங்கட்கிழமை அதிக வசூல் ஈட்டிய படமாகும். விஸ்வாசம் (2019) ரூ.8.45 கோடி வசூலித்தாலும், நேர்கொண்ட பார்வை (2019) ரூ.7.54 கோடி வசூலித்தது, வலிமை (2022), துணிவு (2023) மற்றும் விடாமுயர்ச்சி ஆகியவை முறையே ரூ.5.50 கோடி, ரூ.10.8 கோடி மற்றும் ரூ.3.8 கோடி வசூலித்தன.

இதற்கிடையில், அஜித் குமார் நடித்த இந்தப் படம் பகல் காட்சி தமிழ் சந்தையில் ஒட்டுமொத்தமாக 52.99 சதவீத பார்வையாளர்களைப் பதிவு செய்தது. அதன்படி, காலை காட்சிகள் 37.12 சதவீத பார்வையாளர்களுடன் தொடங்கி இருந்தாலும், பிற்பகல் காட்சிகளின் போது விகிதம் வெகுவாக மேம்பட்டு 63.85 சதவீதத்தை எட்டியது.

மேலும், மாலை காட்சிகள் 59.41 சதவீதமும், இரவு காட்சிகள் 51.59 சதவீத பார்வையாளர்களையும் பதிவு செய்தன என்பது குறிப்பிடத்தக்கது.

இதையும் படிங்க : ஸ்மோக் வெப் சீரிஸ் கதை இதுதான்.. நடிகை சோனா ஓபன் டாக்..!