‘சன்னி லியோனிடம் பேச முடியல; இதுக்காகவே இந்தி கத்துக்கணும்’: இயக்குனர் பேரரசு

Tamil Cinema | ‘பேட்ட ராப்’ படத்தின் இசை வெளியீட்டு விழா சென்னையில் நடந்தது. இந்த விழாவில் இயக்குனர் பேரரசு கலந்து கொண்டார். அப்போது சன்னி லியோன் குறித்து அவர் கலகலப்பாக பேசினார். தொடர்ந்து பேசிய அவர், ” சன்னி லியோனிடம் பேசுவதற்காகவாவது இந்தி கற்றுக் கொள்ள வேண்டும்” என்றார்.

மேலும், பேரரசு, ” ஒரு இரண்டு மூன்று ஆண்டுகளுக்கு முன்பு இந்தி தெரியாது போடா என்று சொல்லுவார்கள்; இதைக் கேட்கும்போது சந்தோசமாக இருந்தது. நிறைய பேர் ஹிந்தி தெரியாது போடா என்று சொன்னார்கள்; அந்த வாசகங்கள் பொறித்த டீ சாட்டை அணிந்து இருந்தார்கள்.

இதையெல்லாம் பார்க்கும் போது சந்தோஷமாகத்தான் இருந்தது. ஆனால் தற்போது ஹிந்தி தெரியாமல் போனது கவலையாக போச்சு; பக்கத்துல சன்னி லியோன் உட்கார்ந்து இருக்காங்க. ஒரு ரெண்டு வார்த்தை கூட அவங்க கிட்ட ஹிந்தில பேச முடியல; இதுக்காகவாவது ஹிந்தி கத்துக்கணும்” என்றார்.

இதற்கிடையில், பட விழாவில் ஹிந்தி கத்துக்கணும் என இயக்குனர் பேரரசு பேசியதை சிலர் விமர்சித்து வருகின்றனர். இயக்குனர் பேரரசு அஜித்-ஐ வைத்து திருப்பதி, விஜய்யை வைத்து திருப்பாச்சி, சிவகாசி உள்ளிட்ட பல்வேறு வெற்றிப் படங்களை இயக்கியுள்ளார் என்பது குறிப்பிடத்தக்கது.

இதையும் படிங்க : கணவருடன் லிப்-லாக்; மகனுடன் அமலா பால்: ஓணம் கொண்டாட்டம் வைரல்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்