அக்ஷய் குமார் படம்.. பூத் பங்களா எப்படி? பாக்ஸ் ஆபிஸ் வசூல் நிலவரம்!

Bhooth Bangla Day 5: பாலிவுட் நடிகர் அக்ஷய் குமாரின் பூத் பங்களா, பாக்ஸ் ஆபிஸ் வசூலில் கலக்கிவருகிறது.

பூத் பங்களா அக்ஷய் குமார்

ByAkila Ramakrishnan

Published on: April 22, 2026 at 9:31 am

மும்பை, ஏப்.22, 2026: பிரியதர்ஷன் மற்றும் அக்ஷய் குமார் நடித்த ‘பூத் பங்களா’ திரைப்படம் வெள்ளிக்கிழமை திரையரங்குகளில் வெளியானது. வார இறுதியில் இந்தியாவில் ₹58 கோடிக்கும் மேல் நிகர வசூல் செய்துள்ளது. சாக்னில்க் என்ற வர்த்தக இணையதளத்தின்படி, ‘பூத் பங்களா’ திரைப்படம் செவ்வாய்க்கிழமை இரவு 8 மணி நிலவரப்படி இந்தியாவில் ₹6.82 கோடி நிகர வசூலை ஈட்டியுள்ளது.

இதன் மூலம் அதன் உள்நாட்டு மொத்த வசூல் ₹71.57 கோடியாக உயர்ந்துள்ளது. இப்படம் வெளியாவதற்கு ஒரு நாள் முன்னதாக கட்டண பிரீமியர் காட்சிகளில் திரையிடப்பட்டது. தில் ₹3.75 கோடி வசூலித்தது எனக் கூறப்படுகிறது. இந்த நிலையில், முதல் நாளில் ₹12.25 கோடி வசூலித்த இப்படம், வார இறுதியில் வசூலில் ஏற்றம் கண்டது. ‘பூத் பங்களா’ சனிக்கிழமை ₹19 கோடியும், ஞாயிற்றுக்கிழமை ₹23 கோடியும் வசூலித்தது. திங்கட்கிழமை, இப்படம் வசூலில் சரிவைக் கண்டு ₹6.75 கோடியை மட்டுமே ஈட்டியது.

பூத் பங்களா படம் பற்றி..

பூத் பங்களா என்பது பாலாஜி மோஷன் பிக்சர்ஸ் மற்றும் கேப் ஆஃப் குட் பிலிம்ஸ் ஆகியவற்றின் கீழ் அக்‌ஷய் குமார், ஏக்தா கபூர் மற்றும் ஷோபா கபூர் ஆகியோரால் தயாரிக்கப்பட்ட பிரியதர்ஷன் இயக்கிய ஒரு திகில் நகைச்சுவை திரைப்படமாகும். இதில் ஜிஷு சென்குப்தா, ராஜ்பால் யாதவ், தபு, மிதிலா பால்கர் மற்றும் வாமிகா கபி ஆகியோரும் நடித்துள்ளனர். அக்ஷய் மற்றும் பிரியதர்ஷன் ஆகியோர் முன்பு திகில்-காமெடி படமான பூல் புலையாவில் (2007) இணைந்து பணியாற்றினர் என்பது நினைவு கூரத்தக்கது.

இதையும் படிங்க : நிவின் பாலியின் அரசியல் படம்.. பிரதிச்சாயா OTT வெளியீடு.. எப்போது, எங்கு பார்க்கலாம்?