இங்கு நல்ல மீன்கள் விற்கப்படும்.. அடிக்கடி சந்திக்கும் பார்த்திபன்- வடிவேலு!

Actor Parthiban: நடிகர்கள் பார்த்திபன்- வடிவேலு மீண்டும் இணைகிறார்கள் என்ற தகவல் கோடம்பாக்கம் வட்டாரத்தில் உலா வருகிறது.

வடிவேலு பார்த்திபன்

Actors Parthiban and vadivelu reunion new unnamed tamil movie

ByAkila Ramakrishnan

Published on: May 28, 2025 at 1:29 pm

சென்னை மே 28 2025: நடிகர்கள் பார்த்திபன் மற்றும் வடிவேலு கூட்டணியில் பல்வேறு திரைப்படங்கள் ரசிகர்கள் மத்தியில் பெரும் வரவேற்பை பெற்றுள்ளன. இவர்கள் இருவரும் இணைந்தால் படத்தில் காமெடிக்கு பஞ்சம் இருக்காது என்பது சிறு குழந்தைக்கும் தெரியும். இவர்கள் இருவரும் நடித்துள்ள படங்களில் இவர்கள் இணைந்து நடித்துள்ள காமெடி சீன்கள் இன்றளவும் ரசிக்கும் படியாக உள்ளன.

குறிப்பாக வெற்றி கொடி கட்டு திரைப்படத்தில் இருவரும் நடித்துள்ள காட்சிகள் நல்ல சிரிப்பு மருந்து. அதேபோல் இவர்கள் இருவரும் இணைந்து நடித்துள்ள குண்டக்க மண்டக்க என்ற திரைப்படத்தில் உள்ள இங்கு நல்ல மீன்கள் விற்கப்படும் என்ற காமெடி இன்றளவும் ரசிக்கப்பட்டு வருகிறது. இந்த நிலையில் பல ஆண்டுகளுக்குப் பிறகு இருவரும் இணைந்து திரைப்படம் ஒன்றில் அடிக்க உள்ளனர்.

இந்த படத்திற்கான தயாரிப்பு பணிகள் குறித்த முதல் கட்ட வேலைகள் நடந்து வருவதாகவும் தகவல்கள் வெளியாகி உள்ளன. இதுகுறித்து தனியார் காலை நாளேடு ஒன்றுக்கு பேட்டி அளித்த நடிகர் பார்த்திபன், ” இருவரும் அடிக்கடி சந்தித்து படம் தொடர்பாக பேசி வருகிறோம்; படத்தின் தயாரிப்பாளர் யார் என்பது தொடர்பான எந்த விவரமும் தற்போது வரை முடிவாகவில்லை.

பல ஆண்டுகளுக்குப் பின்னர் திரையில் இணைகிறோம் என்பதால் படத்தில் காமெடி காட்சிகளுக்கு பஞ்சம் இருக்கக் கூடாது என்பதில் நாங்கள் உறுதியாக உள்ளோம். விரைவில் படம் தொடர்பான நல்ல தகவல் வெளியாகும்” என்றார்

இதையும் படிங்க: அவதூறுகளை பரப்புவதா? ஆர்த்திக்கு நோட்டீஸ் அனுப்பிய ரவிமோகன்.!