சென்னையில் தாறுமாறாக ஓடிய கார்.. பிரபல நடிகரின் ஓட்டுநர் கைது!

Bobby Simha’s car driver arrested: சென்னையில் தாறுமாறாக கார் ஓடி விபத்தை ஏற்படுத்தியதில் மூன்று பேர் படுகாயம் அடைந்தனர். போலீசார் வழக்கு பதிவு செய்து இது தொடர்பாக விசாரணை நடத்தி வருகின்றனர்.

நடிகர் பாபி சிம்ஹா கார் ஓட்டுநர் புஷ்பராஜ்

Actor Bobby Simha's car driver arrested for causing accident

ByAkila Ramakrishnan

Published on: April 19, 2025 at 2:03 pm

சென்னை ஏப்ரல் 19 2025: சென்னை கத்திப்பாரா சாலையில் கார் ஒன்று தாறுமாறாக ஓடி விபத்தை ஏற்படுத்தியது. இந்த கார் விபத்தில் மூன்று பேர் படுகாயம் அடைந்தனர். இது அந்தப் பகுதியில் மிகப்பெரிய பரபரப்பை ஏற்படுத்தி இருந்தது. மேலும் அந்த கார் தாறுமாறாக ஓடி விபத்தை ஏற்படுத்தியதில் ஆறுக்கும் மேற்பட்ட மற்ற வாகனங்களும் சேதத்துக்கு உள்ளாகின.

விபத்தை ஏற்படுத்திய காரின் முன் பகுதி அப்பளம் போல் நொறுங்கியது. இந்தச் சம்பவம் தொடர்பாக சென்னை கத்திப்பாரா காவல் நிலைய போலீசாருக்கு தகவல் தெரிவிக்கப்பட்டது. இதை எடுத்து அப்பகுதிக்கு விரைந்து வந்த போலீசார் சொகுசு காரை தாறுமாறாக ஓட்டி விபத்தை ஏற்படுத்திய நபரை கைது செய்தனர்.

யார் இந்த கார் ஓட்டுநர்?

போலீசார் அவரிடம் நடத்திய விசாரணையில் பரபரப்பு தகவல்கள் வெளியாகின. காரைத் தாறுமாறாக இயக்கி விபத்தை ஏற்படுத்திய நபர், பிரபல நடிகர் பாபி சிம்ஹாவின் ஓட்டுநர் ஆவார்.
பாபி சிம்ஹாவின் தந்தையை இறக்கி விட்டு திரும்பி வரும் வழியில் கத்திப்பாராவில் இந்த விபத்து ஏற்பட்டுள்ளது. அப்போது விபத்தை ஏற்படுத்திய நடிகர் பாபி சிம்காவின் ஓட்டுநர் புஷ்பராஜ் மது போதையில் இருந்ததாகவும் கூறப்படுகிறது.

இந்த நிலையில் போலீசார் வழக்கு பதிவு செய்து மதுபோதையில் இருந்ததாக ஓட்டுநர் புஷ்பராஜை கைது செய்தனர். மேலும் இது தொடர்பாக அவரிடம் விசாரணை நடத்தி வருகின்றனர். பிரபல நடிகர் பாபி சிம்காவின் கார் சென்னையில் விபத்தை ஏற்படுத்திய விவகாரம் அப்பகுதியில் பெரும் பரபரப்பை ஏற்படுத்தி இருந்தது.

இதையும் படிங்க: வெளிநாட்டில் கார் பந்தயம்; விபத்தில் சிக்கிய அஜித் குமார் கார்.. சிறிய காயம் எனத் தகவல்!