நாட்டின் சூரிய சக்தி மின் உற்பத்தி மும்மடங்கு அதிகரிப்பு: ஸ்ரீபாத் யசோ நாயக்

India Energy Transition Summit: இந்தியாவின் எரிசக்தி மாற்ற மாநாடு புதுடெல்லியில் இன்று (வியாழக்கிழமை) நடைபெற்றது.

இந்தியா எரிசக்தி மாற்ற உச்சி மாநாடு 2026 புதுடெல்லியில் நடைபெற்றது.

ByJayakrishnan R

Published on: February 26, 2026 at 10:20 pm

Updated on: February 26, 2026 at 10:26 pm

புதுடெல்லி, பிப் 26 2026: இந்தியாவின் எரிசக்தி மாற்ற மாநாடு புதுடெல்லியில் இன்று (வியாழக்கிழமை) நடைபெற்றது.

இந்த மாநாட்டில் காணொளி வாயிலாக தொடர்பு கொண்டு பேசிய மின்சக்தி மற்றும் புதுப்பிக்கப்படும் ஆற்றல் இலாகா இணை அமைச்சர் ஸ்ரீபாத் யசோ நாயக் நாட்டின் சூரிய சக்தி மின் உற்பத்தி முன் மடங்கு அதிகரித்துள்ளது என தெரிவித்தார். இந்தியாவின் ஆற்றல் மாற்றம் வெறும் கனவல்ல, தெளிவான இலக்குகளுடன் தீர்மானமான முடிவுகளுடன் நடைபெறும் மாற்றமாக உள்ளது என்றார்.

இந்தியாவின் எரிசக்தி மாற்றம் வெறும் கனவல்ல, அது தெளிவான இலக்குகள் மற்றும் தீர்மானமான முடிவுகளால் வழிநடத்தப்படும் தொடர்ச்சியான மாற்றம் எனக் தெரிவித்தார்.

காணொளி வாயிலாக தொடர்பு கொண்டு பேசிய அமைச்சர் ஸ்ரீபாத் யசோ நாயக்

மேலும், பிரதமர் மோடியின் பார்வையின் கீழ், இந்தியா 2030க்குள் 500 GW அளவிலான புதைபடிவ எரிபொருள் அல்லாத திறனை உருவாக்கும் இலக்கை நிர்ணயித்துள்ளது; 2070க்குள் நெட் ஜீரோவை அடைவதற்கான ட்சிய இலக்கை நிர்ணயித்துள்ளது என்றார்.

இந்தியாவின் மொத்த மின்சார நிறுவப்பட்ட திறன் 520 GW-ஐ கடந்துவிட்டது. அதில் பாதிக்கும் மேற்பட்டவை புதைபடிவ எரிபொருள் அல்லாத மூலங்களிலிருந்து வருகிறது எனக் குறிப்பிட்டார். சூரிய சக்தி திறன் கடந்த சில ஆண்டுகளில் மூன்றுமடங்கு அதிகரித்துள்ளது; புதுப்பிக்கத்தக்க எரிசக்தி இப்போது ஓரங்கட்டப்பட்டதாக இல்லாமல், பிரதானமாக மாறியுள்ளது என்று தெரிவித்தார்.

அவர் மேலும், தேசிய பசுமை ஹைட்ரஜன் திட்டம் மூலம் தொழில்துறை கார்பன் குறைப்பை எளிதாக்கி, இறக்குமதி சார்பை குறைத்து, இந்தியாவின் உலகளாவிய மதிப்புச் சங்கிலியில் நிலையை வலுப்படுத்த அரசு அடுத்த வளர்ச்சி எல்லையை உருவாக்கி வருகிறது என்றார்.

“இந்த வேகத்தைத் தொடர, திறன் சேர்க்கையைத் தாண்டி, அமைப்பு ஒருங்கிணைப்பை வலுப்படுத்த வேண்டும். பரிமாற்ற வலையமைப்பை வலுப்படுத்தி, சேமிப்பு தீர்வுகளை விரிவுபடுத்தி விநியோக நிறுவனங்களின் நிதி நிலைத்தன்மையை உறுதி செய்ய வேண்டும். எரிசக்தி பாதுகாப்பு, மலிவு, அனைவரையும் உள்ளடக்கிய தன்மை ஆகியவை அணுகுமுறையின் மையமாக இருக்க வேண்டும்,” என்றார்.

தொழில்துறை கார்பன் குறைப்பு அடுத்த கட்ட மாற்றத்தின் மையமாக இருக்கும்; எளிதில் குறைக்க முடியாத எஃகு, சிமெண்டு, இரசாயனங்கள், சுத்திகரிப்பு போன்ற துறைகள் பசுமை ஹைட்ரஜன், மின்மயமாக்கல், புதுமையான நிதி மாதிரிகளை ஏற்க வேண்டும் என அவர் வலியுறுத்தினார்.

“இது கிராமங்கள், நகரங்கள், MSME-கள் மற்றும் தொழில்துறைகளில் சுத்தமான எரிசக்தி வளர்ச்சியை உறுதி செய்வது பற்றியது. ஒன்றிணைந்து, இந்த வேகத்தைத் தொடர்வோம்; இந்தியாவின் எரிசக்தி மாற்றத்தை உலகிற்கு ஒரு முன்னுதாரணமாக மாற்றுவோம் என்றார்.

மத்திய மின்சார ஆணையத் தலைவர் கன்ஷ்யாம் பிரசாத், இந்தியாவின் எரிசக்தி மாற்றம் இப்போது கட்டமைக்கப்பட்ட, நீண்டகால திட்டமிடலால் ஆதரிக்கப்படுகிறது. NITI ஆயோக் மற்றும் மத்திய மின்சார ஆணையம் இணைந்து 2070 வரை வளங்கள், மின்மயமாக்கல், சேமிப்பு, பரிமாற்ற திட்டமிடல் ஆகியவற்றை உள்ளடக்கிய விரிவான சாலை வரைபடம் தயாரித்துள்ளதாகக் குறிப்பிட்டார்.

அவர் மேலும், அடுத்த கட்ட மாற்றம் புதுப்பிக்கத்தக்க விரிவாக்கத்தை கிரிட் நிலைத்தன்மையுடன் சமநிலைப்படுத்த வேண்டும்; சந்தை சீர்திருத்தங்கள், நிதி நிலைத்தன்மை ஆகியவை அவசியம் எனக் கூறினார்.

ஆஸ்திரிய தூதரகத்தின் துணைத் தலைவர் திருமதி கிசெலா கிறிஸ்டோஃபெரிட்ஸ், “இந்தியா நிர்ணயித்துள்ள இலக்குகள் மட்டுமல்ல, ஏற்கனவே அடைந்துள்ள முன்னேற்றமும் வியப்பூட்டுகிறது. ஆஸ்திரியாவில் 90% மின்சாரம் புதுப்பிக்கத்தக்கது; இந்தியாவின் அளவு, வேகம், அனைவரையும் உள்ளடக்கிய தன்மை எனக்கு ஆழ்ந்த பாராட்டை ஏற்படுத்துகிறது,” என்றார்.

FICCI RE CEOs குழுவின் இணைத் தலைவர் பினாகி பாட்டாச்சார்யா பேசுகையில், “இந்தியா உலகின் மிகப்பெரிய, வேகமாக வளர்ந்து வரும் புதுப்பிக்கத்தக்க எரிசக்தி சந்தைகளில் ஒன்றாக உள்ளது. கொள்கை ஆதரவு, நிதி, அபிவிருத்தியாளர்கள், நுகர்வோர் ஆகிய நான்கு சக்கரங்கள் ஒருங்கிணைந்து இயங்கினால், 2030 இலக்குகளை விரைவாக அடையலாம்,” என்றார்.

FICCI Power Committee இணைத் தலைவர் தினேஷ் பட்ரா, FICCI RE Developers Taskforce தலைவர்சாண்டி கேரா, FICCI Power Committee வழிகாட்டி பிரபீர் நியோகி ஆகியோர், இந்தியாவின் எரிசக்தி மாற்றம் பொருளாதார எதிர்காலத்தின் மையமாக இருப்பதாகவும், நம்பகத்தன்மை, மலிவு, நிலைத்தன்மை, அனைவரையும் உள்ளடக்கிய தன்மை ஆகியவற்றால் வழிநடத்தப்பட்டால், இந்தியா உலகளாவிய மாற்றத்தை முன்னெடுக்க சிறந்த நிலையில் இருக்கும் என்றும் வலியுறுத்தினர்.

FICCI CRISIL Energy Storage அறிக்கை மற்றும் FICCI Souvenir on India’s Energy Transition ஆகியவை தொடக்க அமர்வில் வெளியிடப்பட்டன.

இதையும் படிங்க : இந்திய பொருளாதாரம் Q3-இல் 8.1% வளர்ச்சி.. ஸ்டேட் பேங்க் ஆஃப் இந்தியா!