டோரத்தி ஒ.டி.டி. தளத்தில் வெளியீடு.. எந்தத் தளம் தெரியுமா?

Dorothy Netflix Release: கார்த்திக் சுப்புராஜின் ‘டோரத்தி’ திரைப்படம் நெட்ஃபிளிக்ஸில் வெளியாகி உள்ளது.

டோரத்தி

ByThilahavathy P

Published on: October 27, 2026 at 1:53 pm

Updated on: October 27, 2026 at 1:54 pm

சென்னை, அக்.27, 2026: இயக்குநர் கார்த்திக் சுப்புராஜ் தயாரித்து இயக்கியுள்ள ‘டொரத்தி’ (Dorothy) திரைப்படம் அக்டோபர் 23-ஆம் தேதி நெட்ஃபிளிக்ஸ் ஓடிடி தளத்தில் வெளியாகியுள்ளது. கீர்த்தி சுரேஷ், சனந்த், ரிஷிகாந்த் உள்ளிட்டோர் முக்கிய கதாபாத்திரங்களில் நடித்துள்ள இந்தத் திரைப்படம், கடந்த செப்டம்பர் 25-ஆம் தேதி திரையரங்குகளில் வெளியானது.

1990-களின் மதுரையைப் பின்னணியாகக் கொண்டு உருவாகியுள்ள இந்தப் படம், சிறுவயது நண்பர்களான கார்த்தி மற்றும் சுப்பு ஆகியோரின் வாழ்க்கையில் ஒரு பெண்ணின் வருகை ஏற்படுத்தும் மாற்றங்களைப் பேசுகிறது. திருநங்கைகளின் வாழ்க்கை, சமூகப் பாகுபாடு, நட்பு மற்றும் மனிதநேயம் உள்ளிட்ட அம்சங்களையும் கதை மையப்படுத்துகிறது.

இளையராஜா இசையமைத்துள்ள இப்படத்திற்கு எஸ். திருநாவுக்கரசு ஒளிப்பதிவு செய்துள்ளார்; கணேஷ் சிவா படத்தொகுப்புப் பணிகளை மேற்கொண்டுள்ளார். டொரத்தி திரைப்படம் தமிழ், தெலுங்கு, கன்னடம், மலையாளம், இந்தி என ஐந்து மொழிகளில் நெட்ஃபிளிக்ஸில் வெளியாகியுள்ளது.

இதையும் படிங்க : கீர்த்தி சுரேஷின் ‘அக்கா’ வெப் தொடர்.. நெட்ஃபிளிக்ஸில் அக்டோபர் 30-ல் வெளியீடு!