ஒரே நாளில் சவரனுக்கு ₹560 உயர்வு… புதிய உச்சத்தை எட்டிய தங்கம்!

Gold Rate today : சென்னையில் 22 காரட் ஆபரணத் தங்கத்தின் விலை இன்று (ஜூலை 23) சவரனுக்கு ₹560 உயர்ந்து ₹1,08,000-ஐ எட்டியுள்ளது. அதேவேளையில், வெள்ளி விலையில் எந்த மாற்றமும் இல்லாமல் கிராமுக்கு ₹245-க்கு விற்பனையாகிறது.

தங்கம் விலை நிலவரம்

BySaranya JK

Published on: July 23, 2026 at 1:48 pm

சென்னை, ஜூலை 23 2026: சென்னையில் 22 காரட் ஆபரணத் தங்கத்தின் விலை இன்று (ஜூலை 23) சவரனுக்கு ₹560 உயர்ந்துள்ளது. இதனால், ஒரு சவரன் தங்கத்தின் விலை ₹1,08,000 ஆகவும், கிராமுக்கு ₹70 உயர்ந்து ₹13,500 ஆகவும் விற்பனையாகிறது. நேற்று (ஜூலை 22) ஒரு சவரன் தங்கம் ₹1,07,440-க்கும், ஒரு கிராம் ₹13,430-க்கும் விற்பனையானது.

கடந்த ஆண்டின் இதே நாளுடன் ஒப்பிடுகையில் தங்கத்தின் விலை கணிசமாக உயர்ந்துள்ளது. 2025 ஜூலை 23 அன்று ஒரு சவரன் தங்கம் ₹75,040-க்கும் (கிராம் ₹9,380), இன்று 2026 ஜூலை 23 அன்று ₹1,08,000-க்கும் (கிராம் ₹13,500) விற்பனையாகிறது. அதாவது, கடந்த ஒரு ஆண்டில் சவரனுக்கு ₹32,960 அல்லது சுமார் 43.92% உயர்வு பதிவாகியுள்ளது.

கடந்த சில நாட்களாக தங்கத்தின் விலை தொடர்ந்து ஏற்றம் கண்டுவருகிறது. ஜூலை 17 அன்று சவரன் ₹1,04,800 ஆக இருந்த நிலையில், ஜூலை 18-ல் ₹1,05,080, ஜூலை 20-ல் ₹1,05,200, ஜூலை 21-ல் ₹1,05,360, ஜூலை 22-ல் ₹1,07,440 ஆக உயர்ந்து, இன்று ₹1,08,000 என்ற புதிய அளவை எட்டியுள்ளது.

இதேபோல், வெள்ளி விலையும் அண்மைய நாட்களில் உயர்ந்த நிலையில் தற்போது கிராமுக்கு ₹245 என்ற விலையில் நிலைத்திருக்கிறது. வெள்ளி விலையில் இன்று எந்த மாற்றமும் இல்லை. ஒரு கிராம் வெள்ளி ₹245-க்கும், ஒரு கிலோ வெள்ளி ₹2,45,000-க்கும் விற்பனையாகிறது.

இதையும் படிங்க: நிலுவையில் உள்ள சிக்கல்கள் தீர்வு.. EPFO ’விஸ்வாஸ் 2026′ அறிமுகம்!