பஜாஜ் ஆட்டோ லாபம் ரூ. 3,225 கோடி ஆக உயர்வு.. முதலாம் காலாண்டு அறிக்கை!

Bajaj Auto: பஜாஜ் ஆட்டோ லாபம் ரூ. 3,225 கோடி ஆக உயர்ந்துள்ளது; நிறுவனத்தின் லாபம் கடந்த ஆண்டை காட்டிலும் 46 சதவீதம் அதிகரிப்பாகும்.

பஜாஜ் ஆட்டோ

BySaranya JK

Published on: July 21, 2026 at 3:26 pm

சென்னை, ஜூலை 21, 2026: பஜாஜ் ஆட்டோ தனது 2026-27 நிதியாண்டின் முதல் காலாண்டு முடிவுகளை வெளியிட்டுள்ளது. ஜூன் காலாண்டில், நிறுவனம் ரூ. 3,225 கோடி ஒருங்கிணைந்த நிகர லாபத்தைப் பதிவு செய்துள்ளது. இது கடந்த ஆண்டின் இதே காலகட்டத்தில் இருந்த ரூ. 2,210 கோடியுடன் ஒப்பிடுகையில் 46% அதிகரிப்பாகும்.

ஆனால், முந்தைய காலாண்டில் (Q4FY26) இருந்த ரூ. 3,661 கோடியுடன் ஒப்பிடுகையில், லாபம் 12% குறைந்துள்ளது.நிறுவனத்தின் செயல்பாட்டு வருவாய் ரூ. 17,243 கோடியாக உயர்ந்துள்ளது. இது கடந்த ஆண்டின் இதே காலாண்டில் இருந்த ரூ. 12,584 கோடியுடன் ஒப்பிடுகையில் 37% அதிகரித்துள்ளது.

மேலும், முந்தைய காலாண்டில் இருந்த ரூ. 16,005 கோடியுடன் ஒப்பிடுகையில், சுமார் 8% வளர்ச்சி காணப்பட்டுள்ளது. விற்பனை மற்றும் உற்பத்தி அளவுகளில் ஏற்பட்ட முன்னேற்றம் வருவாய் உயர்வுக்கு காரணமாகும்.
தொடர்ந்து, வட்டி, வரி, தேய்மானம், கடனொதுக்கீட்டிற்கு முந்தைய லாபம் ரூ. 3,696 கோடியாக பதிவாகியுள்ளது. இது கடந்த ஆண்டின் இதே காலாண்டில் இருந்த ரூ. 2,482 கோடியுடன் ஒப்பிடுகையில் 8% அதிகரித்துள்ளது.

இதுமட்டுமின்றி, EBITDA வரம்பும் 19.7%-லிருந்து 20.9%-ஆக உயர்ந்துள்ளது. 110 அடிப்படை புள்ளிகள் (bps) முன்னேற்றம் நிறுவனத்தின் செயல்திறனை வெளிப்படுத்துகிறது.மொத்தத்தில், பஜாஜ் ஆட்டோ தனது முதல் காலாண்டில் வலுவான வருவாய் மற்றும் லாப வளர்ச்சியைப் பதிவு செய்துள்ளது.
ஆண்டுக்கு ஆண்டு அடிப்படையில் சிறப்பான முன்னேற்றம் இருந்தாலும், முந்தைய காலாண்டுடன் ஒப்பிடுகையில் லாபத்தில் ஏற்பட்ட சரிவு கவனிக்கத்தக்கது. வருவாய், EBITDA மற்றும் மார்ஜின் வளர்ச்சி நிறுவனத்தின் வணிக நிலைத்தன்மையை உறுதிப்படுத்துகிறது.

இதையும் படிங்க : கனடா பொருட்களுக்கு 50% இறக்குமதி வரி.. டிரம்ப் அதிரடி உத்தரசு