Train Cancelled : பயணிகள் முன்பதிவு மிகவும் குறைவாக இருந்ததால், திருச்சி – பெங்களூரு இடையே இயக்கப்பட இருந்த வாராந்திர சிறப்பு ரயில் சேவையை தெற்கு ரயில்வே ரத்து செய்துள்ளது.
Train Cancelled : பயணிகள் முன்பதிவு மிகவும் குறைவாக இருந்ததால், திருச்சி – பெங்களூரு இடையே இயக்கப்பட இருந்த வாராந்திர சிறப்பு ரயில் சேவையை தெற்கு ரயில்வே ரத்து செய்துள்ளது.
Published on: July 18, 2026 at 8:01 pm
சென்னை, ஜூலை 18 2026: திருச்சி – பெங்களூரு இடையே வாரந்தோறும் இயக்கப்பட்டு வந்த சிறப்பு ரயில் சேவை, பயணிகள் வசதிக்காக சமீபத்தில் ஜூலை மாதத்திலும் நீட்டிக்கப்பட்டிருந்தது. ஆனால், எதிர்பார்த்த அளவில் பயணிகள் முன்பதிவு நடைபெறாததால், குறிப்பிட்ட சேவையை தெற்கு ரயில்வே ரத்து செய்துள்ளது.
திருச்சியில் இருந்து செவ்வாய்கிழமைகளில் காலை 6.15 மணிக்கு புறப்பட்டு மதியம் 1.45 மணிக்கு பெங்களூருவை சென்றடையும் சிறப்பு ரயிலும், மறுமார்க்கத்தில் பெங்களூருவில் இருந்து பிற்பகல் 3.00 மணிக்கு புறப்பட்டு இரவு 10.30 மணிக்கு திருச்சியை வந்தடையும் சேவையும் ஜூலை மாதத்திற்காக நீட்டிக்கப்பட்டிருந்தது. இருப்பினும், குறைந்தளவிலான டிக்கெட் முன்பதிவு காரணமாக இந்த சேவையில் மாற்றம் செய்யப்பட்டுள்ளது.
ரயில்வே அதிகாரிகள் வெளியிட்ட தகவலின்படி, திருச்சியில் இருந்து பெங்களூருவுக்கு ஜூலை 21 மற்றும் 28-ந் தேதிகளில் காலை 6.15 மணிக்கு இயக்கப்படுவதாக அறிவித்த சிறப்பு ரெயில் (வண்டி எண் 06007) ரத்து செய்யப்படுகிறது.
இதேபோல், பெங்களூருவில் இருந்து திருச்சிக்கு ஜூலை 21 மற்றும் 28-ந் தேதிகளில் மாலை 3 மணிக்கு இயக்கப்படுவதாக அறிவிக்கப்பட்ட சிறப்பு ரெயிலும் (06008) ரத்து செய்யப்படுகிறது.
போதுமான பயணிகள் முன்பதிவு இல்லாததால், குறிப்பிட்ட நாளில் இயக்கப்பட இருந்த திருச்சி – பெங்களூரு சிறப்பு ரயிலை ரத்து செய்ய தீர்மானிக்கப்பட்டுள்ளது. ஏற்கனவே முன்பதிவு செய்த பயணிகளுக்கு ரயில்வே விதிமுறைகளின்படி தொகை திருப்பி வழங்கப்படும் என தெரிவிக்கப்பட்டுள்ளது.
பயணிகள் முன்பதிவு மற்றும் தேவை அடிப்படையில் மட்டுமே சிறப்பு ரயில்கள் தொடர்ந்து இயக்கப்படுவதாக தெற்கு ரயில்வே தெரிவித்துள்ளது. எனவே, பயணிகள் தங்களது பயணத் திட்டங்களை மாற்றி அமைத்து, மாற்று ரயில் சேவைகளை பயன்படுத்திக் கொள்ளுமாறு ரயில்வே நிர்வாகம் அறிவுறுத்தியுள்ளது.
இதையும் படிங்க: தமிழ்நாட்டை இந்தியாவின் முதன்மை மாநிலமாக உருவாக்கிட உறுதியேற்போம்.. முதலமைச்சர் விஜய்
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
