தாய்லாந்து சென்ற சமந்தா-ராஜ் தம்பதி.. பேபிமூன் கொண்டாட்டம் கலகல!

Samantha-Raj Babymoon : பேபிமூன் கொண்டாட்டத்துக்காக நடிகை சமந்தா- ராஜ் தம்பதி தாய்லாந்து சென்றுள்ளார்கள்.

சமந்தா- ராஜ் தம்பதி

ByThilahavathy P

Published on: July 16, 2026 at 12:16 pm

ஹைதராபாத், ஜூலை 16, 2026: நடிகை சமந்தா ரூத் பிரபு தனது கணவரும் திரைப்படத் தயாரிப்பாளருமான ராஜ் நிடிமோருவுடன் தாய்லாந்தில் ‘பேபிமூன்’ கொண்டாடி வருகிறார். தனது முதல் குழந்தையை எதிர்பார்க்கும் சமந்தா, கர்ப்பகாலப் பொலிவுடன் இருக்கும் புகைப்படங்களையும் காணொளிகளையும் சமூக ஊடகங்களில் பகிர்ந்துள்ளார்.

சமந்தா பகிர்ந்த புகைப்படங்களில், தாய்லாந்தின் அழகிய கடற்கரை மற்றும் இயற்கை சூழலில் அவர் மகிழ்ச்சியாகக் காணப்பட்டார். கர்ப்பகாலத்தில் அவர் வெளிப்படுத்திய ஆரோக்கியமான தோற்றம் ரசிகர்களை பெரிதும் கவர்ந்துள்ளது.

ராஜ் நிடிமோருவுடன் இணைந்து எடுத்த புகைப்படங்களில், தம்பதியினர் மகிழ்ச்சியுடன் நேரத்தை கழிப்பது தெளிவாகத் தெரிகிறது.

‘பேபிமூன்’ பயணத்தின் போது அவர்கள் பகிர்ந்த தருணங்கள், ரசிகர்களிடையே பெரும் வரவேற்பைப் பெற்றுள்ளன.

சமந்தாவின் கர்ப்பகாலப் பொலிவைக் கண்டு ரசிகர்கள் நெகிழ்ச்சி அடைந்துள்ளனர். சமூக ஊடகங்களில் அவருக்கு வாழ்த்துகள் குவிந்துள்ளன. இந்தப் பயணம், தம்பதியரின் வாழ்க்கையில் மறக்க முடியாத இனிய நினைவாக அமைந்துள்ளது.

இதையும் படிங்க : தெலுங்கில் முதல் படம்.. வாரணாசி குறித்து பிரியங்கா சோப்ரா!