ஜான்வி கபூரை இப்படி பார்க்காதீங்க.. நடிகை காயத்ரி

Gayatri chaganti: நடிகை காயத்ரி, “ஜான்வி தனது கதாபாத்திரங்களை எப்போதும் கவர்ச்சியாக சித்தரிக்கிறார். அவரது உடல்தான் அவரது முழு பிம்பம்” எனத் தெரிவித்துள்ளார்.

நடிகை காயத்ரி, ஜான்வி கபூர்

ByThilahavathy P

Published on: June 7, 2026 at 2:35 pm

ஹைதராபாத், ஜூன் 7, 2026: புச்சி பாபு சானா இயக்கிய பெட்டி திரைப்படம், ஜான்வி கபூரின் கதாபாத்திரமான அச்சியம்மாவின் சித்தரிப்புக்காக கடுமையான விமர்சனங்களை சந்தித்து வருகிறது. காதல் மற்றும் சம்மதத்தின் இடையிலான கோடுகளை மங்கச் செய்ததாக பலர் குற்றம் சாட்டிய நிலையில், நடிகை காயத்ரி சகாந்தி, ஜான்வியை பாதிக்கப்பட்டவராகக் கருதக்கூடாது என்று வாதிட்டார்.

காயத்ரி, “ஜான்வி தனது கதாபாத்திரங்களை எப்போதும் கவர்ச்சியாக சித்தரிக்கிறார். அவரது உடல்தான் அவரது முழு பிம்பம். தேவையற்ற இடங்களிலும் அவர் கவர்ச்சியை வெளிப்படுத்துகிறார்” என்று குறிப்பிட்டார். மேலும், “அவர் நடித்த பல படங்களில், ஆசிரியையாக இருந்தாலும் கூட, கவர்ச்சியை வெளிப்படுத்தும் விதமாகவே காட்சிகள் அமைக்கப்பட்டுள்ளன” என்று சாடினார்.

‘ரெகமண்டேஷன் கம்யூனிட்டி’ என்ற இன்ஸ்டாகிராம் பக்கம், ஜான்வியின் கதாபாத்திரம் சித்தரிக்கப்பட்ட விதத்திற்காக தயாரிப்பாளர்களை விமர்சித்தது. அதில், ஜான்வி படப்பிடிப்புக்குப் பிந்தைய பணிகளில் சில காட்சிகளை கேள்விக்குள்ளாக்கியதாகவும், இயக்குநர் அவற்றை பாக்ஸ் ஆபிஸ் வசூலுக்காக வைத்திருப்பதாகவும் குற்றம் சாட்டப்பட்டது. இதற்கு பதிலளித்த காயத்ரி, “அவரை பாதிக்கப்பட்டவராகக் காட்டுவது தவறு” என்று வலியுறுத்தினார்.

திரைப்படத்தின் காதல் துணைக்கதை, சம்மதமின்றி முத்தமிடும் காட்சிகள் போன்றவை பார்வையாளர்களிடையே கடும் எதிர்ப்பை ஏற்படுத்தின. இதையடுத்து, இயக்குநர் புச்சி பாபு சனா, “பெண்களை பொருளாகக் காட்டும் நோக்கம் எங்களிடம் ஒருபோதும் இல்லை. பார்வையாளர்களின் கவலைகளை மதிக்கிறோம். சம்பந்தப்பட்ட பகுதிகளில் மாற்றங்களைச் செய்வோம்” என்று மன்னிப்பு கேட்டார்.

இதையும் படிங்க : காக்ரோச் கட்சியை புகழ்ந்த பிரகாஷ் ராஜ்.. என்ன சொன்னார் தெரியுமா?