இந்தியா கூட்டணி தேவை; மாநில கட்சிகள் காங்கிரஸை விட வலிமையானவை.. ப.சிதம்பரம்

P. Chidambaram: “மாநில கட்சிகள் அந்தந்த காலங்களில் காங்கிரஸை விட வலிமையானவை என்பதை மறுக்கவில்லை” என ப.சிதம்பரம் தெரிவித்துள்ளார்.

ப.சிதம்பரம்

ByJayakrishnan R

Published on: June 6, 2026 at 5:47 pm

சென்னை, ஜூன் 6, 2026: நாட்டின் முன்னாள் நிதி மற்றும் உள்துறை அமைச்சரும், காங்கிரஸ் கட்சியின் மூத்தத் தலைவருமான ப.சிதம்பரம், புதிய தலைமுறை செய்தி சேனலுக்கு பிரத்யேக பேட்டியளித்தார். அப்போது அவர், “பாரதிய ஜனதா கட்சியை இந்தியா (INDIA) அணியால் மட்டுமே எதிர்க்க முடியும்; இந்தியா கூட்டணியை தவிர பா.ஜ.க.வை எதிர்க்க வேறு அணி இல்லை“ என்றார்.

மேலும், “மாநில கட்சிகள் அந்தந்த காலங்களில் காங்கிரஸை விட வலிமையானவை என்பதை மறுக்கவில்லை” எனக் கூறிய ப.சிதம்பரம், “யார் தலைமை என்பது முக்கியம் அல்ல; தேசிய கட்சியை சுற்றியே கூட்டணி அமைக்க முடியும்” என்றார்.

தொடர்ந்து, “காங்கிரஸ் உள்பட கூட்டணியில் உள்ள அனைத்துக் கட்சிகளும் அனுசரித்து செல்ல வேண்டும் எனக் கேட்டுக்கொண்ட ப. சிதம்பரம், “2029 பாராளுமன்ற தேர்தலை எதிர்கொள்ள இந்தியா கூட்டணி தேவை” எனவும் கூறினார்.

அந்த வகையில், முன்னாள் மத்திய நிதியமைச்சர் ப. சிதம்பரம், இந்தியா கூட்டணியின் அவசியத்தை வலியுறுத்தியுள்ளார். காங்கிரஸ் உள்பட கூட்டணியில் உள்ள அனைத்துக் கட்சிகளும் ஒருமித்தமாக செயல்பட வேண்டும் என அவர் கேட்டுக்கொண்டுள்ளார். சிதம்பரத்தின் இந்தக் கருத்து, தேசிய அரசியலில் கூட்டணியின் முக்கியத்துவத்தை மீண்டும் வெளிப்படுத்துகிறது. குறிப்பாக, எதிர்க்கட்சிகள் ஒன்றிணைந்து செயல்பட வேண்டிய அவசியத்தை அவர் சுட்டிக்காட்டியுள்ளார்.

இந்தியா கூட்டணியின் எதிர்காலம், அதன் உறுப்பினர் கட்சிகள் எவ்வாறு ஒருமித்தமாக செயல்படுகின்றன என்பதிலேயே அமையும். இந்நிலையில், 2029 தேர்தலை முன்னிட்டு, கூட்டணியின் வலிமையை அதிகரிக்க வேண்டிய அவசியத்தை சிதம்பரம் வலியுறுத்தியுள்ளார்.

இதையும் படிங்க :இந்து விரோத அரசியல்.. த.வெ.க.வை சாடிய நயினார் நாகேந்திரன்!