ஓடுபாதையில் ஓடிய விமானம்; எமர்ஜென்சி கதவை திடீரென திறந்த பயணி: சென்னையில் நள்ளிரவு களோபரம்!

Tamil Nadu | சென்னை – மும்பை செல்லும் இண்டிகோ ஏர்லைன்ஸ் விமானத்தில் புறப்படும் நேரத்தில் எமர்ஜென்சி கதவை திறந்த பயணி கைது செய்யப்பட்டார்.

சென்னையில் இருந்து மும்பை செல்லும் இண்டிகோ ஏர்லைன்ஸ் விமானம் நேற்று இரவு 10.30 மணிக்கு புறப்படத் தயாராக இருந்தது. விமானத்தில் 152 பயணிகள் இருந்தனர். விமானம் புறப்படுவதற்கான ஏற்பாடுகள் நடந்து கொண்டிருந்தபோது, திடீரென விமானத்தின் உள்ளே அவசர கதவு அலாரம் அடித்து. உடனடியாக விமானி ஓடுபாதையில் விமானத்தை நிறுத்தினார்.

மும்பையைச் சேர்ந்த வருண் பாரத் என்ற பயணி, தவறுதலாக எமர்ஜென்சி டோர் பட்டனை அழுத்தியதாகக் கூறினார். ஆனால் விமானி விளக்கத்தை ஏற்றுக் கொள்ளவில்லை. தொடர்ந்து, விமான பாதுகாப்பு அதிகாரிகள் வருணை விசாரிக்க வந்தனர்.

தொடர்ந்து, விமானப் பாதுகாப்புச் சட்டத்தை மீறியதாக வருண் மீது வழக்குப் பதிவு செய்யப்பட்டு சென்னை விமான நிலைய போலீஸாரிடம் ஒப்படைக்கப்பட்டார். இதனால், விமான நிலையத்தில் பெரும் குழப்பம் ஏற்பட்டது.

தொடர்ந்து இரண்டு மணி நேரம் தாமதமாக நள்ளிரவு 12.30 மணிக்கு சென்னையில் இருந்து மும்பைக்கு விமானம் புறப்பட்டது. இதனால் பயணிகள் அவதியுற்றனர். விமான எமர்ஜென்சி கதவை திறந்த பயணியிடம் விசாரணை நடத்தப்பட்டுவருகிறது.

இதையும் படிங்க : தூத்துக்குடியில் ஐ.ஏ.எஸ். அதிகாரிபோல் வேடமணிந்து ஏமாற்றிய பெண் கைது

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்