‘பெத்தி’ என் திரைப்பயணத்தின் மிகப்பெரிய சவால்…ராம் சரண்

Ram Charan: பெத்தி’ (Peddi) திரைப்படம் தனது திரைப்பயணத்தில் மிகவும் சவாலான கதாபாத்திரமாக அமைந்துள்ளதாக ராம்சரண் தெரிவித்துள்ளார்.

பெத்தி படத்தில் ராம் சரண்

ByThilahavathy P

Published on: June 1, 2026 at 2:01 pm

ஹைதராபாத், ஜுன் 1 2026: நடிகர் ராம் சரண் – நடிகை ஜான்வி கபூர் இணைந்து நடிக்கும் ‘பெத்தி’ திரைப்படம் ஜூன் 4, 2026 அன்று திரையரங்குகளில் வெளியாகிறது. புச்சி பாபு இயக்கத்தில் உருவாகியுள்ள இந்த படம் ரசிகர்களின் எதிர்பார்ப்பை அதிகரித்துள்ளது. இந்நிலையில், ‘பெத்தி’ (Peddi) திரைப்படம் தனது திரைப்பயணத்தில் மிகவும் சவாலான கதாபாத்திரமாக அமைந்துள்ளதாக படத்தின் கதாநாயகன் ராம்சரண் தெரிவித்துள்ளார்.

இப்படம் மற்றும் அதில் தனது கதாபாத்திரம் குறித்துப் பேசிய ராம்சரண், ‘பெத்தி’ திரைப்படம் ஒரு நடிகராகவும் ஒரு மனிதராகவும் தன்னை செதுக்கிய, ஆழமான ஒரு பயணமாக அமைந்ததாக தெரிவித்தார். ஒரு நடிகராக மட்டுமல்லாமல் ஒரு மனிதராகவும் இந்தப் பயணம் ஒட்டுமொத்தமாக திருப்திகரமாக இருந்ததாகவும் கூறினார்.

படத்தின் கதை அனைத்து தரப்பு ரசிகர்களையும் கவரும் வகையில் உணர்ச்சி, ஊக்கம் மற்றும் நாடக அம்சங்களுடன் உருவாக்கப்பட்டுள்ளதாக ராம் சரண் தெரிவித்துள்ளார். மேலும், “நான் இதுவரை கேட்ட கதைகளில் மிகவும் சவாலான திரைக்கதை இது. மிக அழகாக எழுதப்பட்டுள்ளது” என்று அவர் படத்தின் இயக்குநர் புச்சி பாபுவை பாராட்டியுள்ளார்.

இந்த படத்திற்காக ராம் சரண் கடுமையான உடற்தகுதி பயிற்சிகளை மேற்கொண்டு, மல்யுத்த வீரர் தோற்றம் பெற உடல் மாற்றத்தையும் செய்துள்ளார். ஜான்வி கபூர் நாயகியாக நடித்துள்ள இந்த படத்தில் சிவராஜ்குமார், ஜெகபதி பாபு, திவ்யேந்து சர்மா உள்ளிட்டோர் முக்கிய கதாபாத்திரங்களில் நடித்துள்ளனர். ஏ.ஆர். ரஹ்மான் இசையமைத்துள்ள ‘பெத்தி’ திரைப்படம் ஜூன் 4ஆம் தேதி உலகம் முழுவதும் திரையரங்குகளில் வெளியாக உள்ளது.

இதையும் படிங்க: பாக்ஸ் ஆபிஸில் மாஸ் காட்டும் ‘பிளாஸ்ட்’… 3 நாள் வசூல் என்ன தெரியுமா?