South Korean President Lee Jae-myung India visit : பிரதமர் நரேந்திர மோடி புதுடெல்லியில் தென் கொரிய அதிபர் லீ ஜே மியுங் உடன் பேச்சுவார்த்தை நடத்தினார்.
South Korean President Lee Jae-myung India visit : பிரதமர் நரேந்திர மோடி புதுடெல்லியில் தென் கொரிய அதிபர் லீ ஜே மியுங் உடன் பேச்சுவார்த்தை நடத்தினார்.
Published on: April 20, 2026 at 1:08 pm
புதுடெல்லி, ஏப். 20 2026: பிரதமர் நரேந்திர மோடி புதுடெல்லியில் தென் கொரிய அதிபர் லீ ஜே மியுங் உடன் முக்கியமான இருதரப்பு பேச்சுவார்த்தையில் ஈடுபட்டு வருகிறார். இந்த சந்திப்பில், வர்த்தகம், முதலீடு, தொழில்நுட்பம், பாதுகாப்பு உள்ளிட்ட பல்வேறு துறைகளில் இந்தியா–தென் கொரியா ஒத்துழைப்பை மேலும் வலுப்படுத்துவதற்கான வழிகள் குறித்து விரிவாக ஆலோசிக்கப்பட உள்ளது. இந்த பேச்சுவார்த்தைக்கு பின்னர் பல முக்கிய புரிந்துணர்வு ஒப்பந்தங்கள் (MoUs) கையெழுத்தாகும் வாய்ப்பு இருப்பதாக எதிர்பார்க்கப்படுகிறது.
முன்னதாக, இன்று காலை ராஸ்ட்ரபதி பவன் முன்பாக தென் கொரிய அதிபருக்கு மரியாதையான பாரம்பரிய வரவேற்பு அளிக்கப்பட்டது. இந்த விழாவில் குடியரசுத் தலைவர் திரௌபதி முர்மு, பிரதமர் நரேந்திர மோடி, வெளியுறவுத்துறை அமைச்சர் டாக்டர் எஸ். ஜெய்சங்கர் மற்றும் தகவல் மற்றும் ஒளிபரப்புத்துறை அமைச்சர் அஸ்வினி வைஷ்ணவ் ஆகியோர் கலந்துகொண்டனர்.
அதனைத் தொடர்ந்து, அதிபர் லீ ஜே மியுங் மற்றும் அவரது மனைவி கிம் ஹியா கியுங், ராஜ்காட்டில் மகாத்மா காந்திக்கு மலர்வளையம் வைத்து அஞ்சலி செலுத்தினர்.
இந்த சந்திப்பின் ஒரு பகுதியாக, அதிபர் லீ ஜே மியுங் இன்று மாலை மீண்டும் குடியரசுத் தலைவர் மாளிகையில் குடியரசுத் தலைவர் திரௌபதி முர்முவுடன் தனிப்பட்ட சந்திப்பில் ஈடுபட உள்ளார். அதனைத் தொடர்ந்து, அதிபர் முர்மு, அவரை கௌரவிக்கும் வகையில் சிறப்பு விருந்தை ஏற்பாடு செய்ய உள்ளார்.
தென் கொரிய அதிபர் லீ ஜே மியுங், மூன்று நாள் அதிகாரப்பூர்வ இந்தியப் பயணமாக நேற்று புதுடெல்லி வந்தடைந்தார். அவருடன் அவரது மனைவி கிம் ஹியா கியுங் மட்டுமல்லாமல், அமைச்சர்கள், மூத்த அதிகாரிகள் மற்றும் வணிகத் தலைவர்கள் அடங்கிய உயர்மட்ட பிரதிநிதி குழுவும் இணைந்துள்ளது. இது அதிபர் லீயின் முதல் இந்தியப் பயணமாகும்.
இந்தியா மற்றும் தென் கொரியா ஆகிய இரு நாடுகளும், பண்டைய நாகரிகத் தொடர்புகள் மற்றும் ஜனநாயகம், சட்டத்தின் ஆட்சி போன்ற பொதுவான மதிப்புகளின் அடிப்படையில் உருவாகிய பலதரப்பட்ட வலுவான கூட்டாண்மையை பகிர்ந்து வருகின்றன.
தற்போதுள்ள ஒத்துழைப்புத் துறைகளை மேலும் வலுப்படுத்துவதோடு, புதிய மற்றும் வளர்ந்து வரும் துறைகளில் பரஸ்பர நலனை முன்னிறுத்தி இணைந்து செயல்பட வேண்டிய இரு நாடுகளின் உறுதியையும், அதிபர் லீ ஜே மியுஙின் இந்தப் பயணம் தெளிவாக எடுத்துக்காட்டுவதாக உள்ளது.
இதையும் படிங்க : மகளிர் இடஒதுக்கீடு மசோதா.. நாட்டை தவறாக வழிநடத்தும் மோடி.. மம்தா பானர்ஜி
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
